Ọdọvịdị 1:2 - IWE ỌNỊNỊ

² Dị Ẹnẹyịmavara kà ezi Ijuda yọ nị. Dị ọ kà ọnị vaa sị wa nyị ẹbẹẹba Anẹkụra ẹnẹẹ nị.

Ọdọvịdị 1:2 ပူးပေါင်းရင်းမြစ်များ

Ịrịka 2:3

Ịrẹsụ Ijuda ẹ jị ajẹngụ tụ eyi ịzị ọyị zị hụrẹ. Ọdọvịdị ẹnịnị ọ vaa vị Inasoni ana vị ozi Aminadabi nị.

Ịrịka 7:12

Ọnịpaapa ana vaa sị ịsa ịsọvọ ịnị ẹkụhị Ịpaapa ọ vị Inasoni ana vị ozi Aminadabi hụụnị ịrẹsụ Ijuda.

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ẹtore 5:5

Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.

Ọdọvịdị 1:3

Dị ezi Ijuda na hị́ anda ẹnịnị ana vị ezi Isimiyọnị ẹnẹbẹnị ada ẹnịnị ka ẹ saasa ẹnị nọ ịrẹkụ Anikenaani ana ra ịnị ẹtẹ ana ga tu ịrẹsụ ẹnịnị. Ẹnị rẹ vaa saasa wa nọ ịrẹkụ ịhị òo tu wa. Ịzẹyịza dị ezi Isimiyọnị nịnị na gụ wa ụvọ nị.

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:28

Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị.