Odeyi 9:39 - IWE ỌNỊNỊ

³⁹ Dị Ipita kwẹẹtẹ, dị aa dị waa na nị. Ịjị o tù ịzọọ, dị a sị ọọ nọ ịnị aku ịnị ọtụrọsa ọnọọ nị. Dị avaba osoku nịnị ene hi ịzọọ wara kara Ipita, dị ẹyaa jị òrèrè, dị ẹyaa sị awuru ọnịrị ọtịnịnẹ ọnị Ịdọkaasị mẹ, ọ mẹ̀ yà ẹhẹ, zụ̀ Ipita nị.

Odeyi 9:39 ပူးပေါင်းရင်းမြစ်များ

2 Ịsamụwẹrị 1:24

Ẹwụ anyẹnẹẹ Anisirẹrị, waā jị òrèrè Ịsọọrụ nịnị, Ịsọọrụ anaā kụ́ ịta ozoza va wụ nịnị, dị ọ rẹ kụ́ igooru ọnịrị iweyi yị wụ ka wa sịị mẹ ọvị nịnị.

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 26:11

Onosiye vị oni u wee re nịnị eyinị-eyinị; ama ẹma rẹẹ̀ yị vaa yàa pe wu nịnị pooro nị.

Ịmaakị 14:8

Ịsị ọ zụ mẹ, ọ mẹ avọọ nị. Ộ va sị eturare sisi mi ẹngụ tịtẹ, di è ve ne mi.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ịjọọnụ 12:8

Onosiye vị oni u wee re nịnị eyinị-eyinị; ama ẹmị ẹ yị vaa yàa pe wu nịnị pooro.”

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.

Odeyi 9:41

Dị Ipita sị ụvọ gẹ ẹ, dị ọ sị ọọ kwẹẹtẹ nị. Dị ọ hị́ ọdọwụ ẹnẹẹ beri osoku ẹnẹẹ, dị ọ sị ọọ yị wa ireyi-ireyi nị.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 4:13

Ẹwụ nịnị ẹyịnyara amị, yee sì ka wa yẹ nịnị ini oze ịsa ene vee tù aza ene wusu, agụvị asị u ne du ayị nịnị anka aza ẹnẹ ẹ̀yị nyị ọyịtureyi.

1 Itimoti 5:3

Osoku nịnị ana àa vị osoku obooro, re ka waa tẹsị ẹnịnị!

1 Itimoti 5:5

Ama ọnẹẹ ana àa vị osoku obooro, dị ọ̀ yị kụkụ nyị ọza vụrụ-vụrụ nị, vị ana kụkụ sị eyi tụra Ohomorihi kẹnẹ; dị aa mẹ̀ aduwa ọọdụ ọnịrị ịrahụ ka Ohomorihi ọ̀ọ gụ ọnị ụvọ.

1 Ịjọọnụ 3:18

Ẹwụ nịnị ezi emi, asị sị irenu kẹnẹ sì ịrẹyị ẹngụ, à vẹ yaa mẹ̀ ịsa ana sị zụ ka ịzẹyịza yee sì ịrẹyị ẹngụ!