Odeyi 9:36 - IWE ỌNỊNỊ

³⁶ Â nyị ọnẹẹ ọnya aanị ana yà Ịjọpa, ozirẹma ọ vị nị. Aā hị́ ọọ Itabita. Iruvo ịrẹha anị ọ vị Ịdọkaasị ịnị ẹkụra Anigiriki, ọnọọ vị ka “akọnọ”. Ọọ̄ mẹ ọyịza ẹtẹẹtẹrẹ, dị aa gụ onosiye nịnị ụvọ.

Odeyi 9:36 ပူးပေါင်းရင်းမြစ်များ

2 Ịtọpa 2:16

Ọ kà ẹnị vaa dà ọchị tụra ọchị ọnị ee si hụrẹ ataba Ịrẹbanọnị dị ẹnị kụ wa vẹ Ịjọpa ịzị enyi vaa kụ́ wa ve tu ọ Ijerusarẹmị.

Ẹzịra 3:7

Dị ohinọyị Ịsayịrọsị ku ịsọyịrị ọnịrị eche neberi angwẹ na hị́ ọchị Isida hụụnị ụvọ Anịsayịdọnị, Anitaya ọnịrị Ịrẹbanọnị. Dị ọ sị ẹkẹhị yị wa ẹnẹ sị sị wa ọtụrarehi ọnịrị Ikahunta ana kanyị irehi. Ọchị ẹnẹẹ vị ana sị enyi kụ vẹ hi ẹkụra ana hị́ Ịjọpa yị wa.

Ụhịrẹyị 5:19

Ọnẹẹ ene zoza vọnọ-vọnọ anka akọnọ avọọ. Navọ ịrẹyị anị ọ dọ wụ ayị, dị oyisì anị ọ vị ụkụ tụ wụ ayị pooro.

Ahẹ Isoromọnị 2:9

Ọza ọnị mị sì ịrẹyị aanị vị ana sị mẹẹ anka ẹdọ avọọ. Vị ọ sị mẹẹ anka ozi ùnè araka avọọ nị. Ọnị ọ jẹẹ vaka ugene ịzọọ avọọ nị. Aa dà eyi gee zị oze ini ozokete ọnịrị oze ini enyusẹ ana a sị họ̀ oze.

Ahẹ Isoromọnị 3:5

Ẹwụ nịnị anyẹnẹẹ Anijerusarẹmị, kà a mị nịnị, dị wa sị ùnè ọnịrị ẹdọ hị́ eku nịnị ka wẹ́ yị vaa kụ́ zigi yị nịnị ịjị yaa mẹrị ẹngụ.

Ahẹ Isoromọnị 8:14

Ẹwụ ọnị mị maanị sì ịrẹyị anị, wa ka mịị vẹ, anka ozi ùnè avọọ. Wa vẹ anka ùnè ana si hụ tụ ịnị ataba ịzị a kụ́ avị ịsẹpẹ hi avọọ.

Ijona 1:3

Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị.

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.

Ịjọọnụ 15:5

“Mị ka ẹmị vị ana yà anka ọchị ịvayịnị avọọ. Ẹwụ nịnị vị avọ. Ọza ana àa zẹẹ ka ẹmịrị ọnị ọ̀ vị ọnya dị ya rẹ vabẹ, ọ vaa nyị ẹtụtụ ẹtẹẹtẹrẹ. Ẹ yị nyị ịsị ụ zụ dà mẹ nịnị, wẹ̀ yị zẹẹ ka ẹmịrị ẹwụ nịnị ọ̀ vị ọnya.

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Odeyi 10:23

Dị Ipita hị́ wa ngụ eehi, dị ẹ sụ̀ ịzọọ nị. Eyinẹhẹ anị, dị ọ kwẹẹtẹ, dị ọ saasa wa aa na nị. Dị ọdọwụ ẹnyị ene hi Ịjọpa rẹ saasa wa na nị.

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 10:8

Dị ọ kà a yị wa ịsị ẹ mẹ, dị ọ tụ́ wa aa nọ Ịjọpa nị.

Odeyi 11:13

Dị ọ kà a yị ka oni ô re anggẹẹrị ka ọ jẹẹ ini eehi anị. Dị ọ ka ộ kà a yị ọnị ka ọnị ọ̀ tụ́ aza nọ Ịjọpa, dị ẹ̀ na hị́ ọza ịnya ana aā hị́ Ịsayịmọnị, ọnị ịrẹha ẹtẹ anị rị Ipita, va ini eehi anị,

Odeyi 11:5

“Ịnị ẹkụra Ịjọpa mị yà aa mẹ̀ aduwa, di mi re ẹtẹ nị. Mê re ịsa ọnya anka ịta ọgana avọọ, dị a za a ụtọ ẹyịna, di e chí ọọ hụrẹ ẹbẹẹba hi ẹtẹ ọgụrị mị nị.

Odeyi 9:38

Ịjọpa o yi noze rịrị Irida. Ézirẹma nịnị mẹ̀ wụ́ ka Ipita yà Irida, dị ẹ tụ́ aza ẹnị ẹẹva na hị́ ọọ nị. Dị ẹ ka, “Aarịhịnị, wụsẹ jintu ve tù yi!”

Odeyi 9:42

Ịrẹyị ọnọnị ộ ngụ ịrẹyị ngụ Ịjọpa zịịzị, dị aza ọrụrụ-ọrụrụ sị ayị tụra Ananyị yị nị.

Anẹhwẹsọsị 2:10

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

1 Anịtẹsaronika 4:10

Ịzẹyịza, avọọ ụ màa mẹẹ hi anda ayị ene hi Imasedoniya nị. Ẹwụ nịnị ẹyịnyara amị, yaa dá ịpẹẹ wụ nịnị ka waa sịị vụrịị hu avọọ nịnị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Ijosuwa 19:46

Imejakoni, ọnịrị Irakoni ana ya ẹhwị ẹtẹ, ọ̀ va eyi ka Ịjọpa.