Odeyi 9:31 - IWE ỌNỊNỊ

³¹ Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 9:31 ပူးပေါင်းရင်းမြစ်များ

1 Ịtọpa 22:18

Ộ kà a yị wa ka, Ẹnẹyịmavara Ohomorihi awụ nịnị yà a wụ nịnị ịrẹma, dị ọ raà mẹ ẹngwọọrọ yị wụ nịnị zi eyi ụvọnị-ụvọnị nị. Ọ kà ộ mẹ̀ ka ọnị ọ̀ nyị ẹbẹẹba avaba aza ana vịdị ra ịnị ẹtẹ ọnọnị. Aza ẹnẹ kụ vị ezida ẹnịnị ọnịrị ezida Ẹnẹyịmavara ọyaanị.

1 Ịtọpa 22:9

Ọ kà, ama Ẹnẹyịmavara ô wo otoo yị ọnị ka, ọnị vaa ma ozi ana vaa rị ohinọyị dị aa mẹ̀ ẹ ẹngwọọrọ-ẹngwọọrọ. Ẹnẹyịmavara kà ọnị vaa mẹ ka ọ̀ nyị ẹngwọọrọ ịnị ụvọ avaba ọnịvị anị. Ọ kà ịrẹha ozi ọnọọ ọ rị Isoromọnị nị, agụvị ka ụmẹ ọnị ọ́ vaa sị mẹ ohinọyị, ọnị vaa mẹ ẹngwọọrọ yị Anisirẹrị nịnị, dị ọnị mẹ ka à sị a nyị ịsị ẹ mẹ̀ wa.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 86:11

Ẹnẹyịmavara, navọ wa si oze awụ zụ̀ mị, ka ịzẹyịza awụ mị vaa saasa nị. Navọ ayị amị ò vị ọnya, dị me zụ hí angwa awụ.

Ahẹ Ụgama 94:13

Wa raà mẹ ka aza ẹnẹẹ ẹ̀ zụ nyị ẹngwọọrọ ịnị ụmẹ ọnị ịrẹyị odivi ọ̀ọ vẹ. Avọọ ẹngụ ẹnịnị mẹ̀ vaa rọ pooro dị à chị ụsị ọnị ọnịvị vee horo ngụ nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 23:17

Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ịzakaraya 8:20

Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị

Odeyi 12:24

Dị ịrẹyị Ohomorihi ọnị aa yịị ganaa hu avọọ, dị aa banyị nị.

Odeyi 16:5

Avọọ ánịragụ Ohomorihi màa nyị ụkata ịnị ẹdọwụ ẹnịnị; dị ẹyaa rụrụụ hu avọọ eyinị-eyinị nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 5:11

Angwa ô hí avaba anịragụ Ohomorihi ọnịrị aza ana vọ, ẹ mẹ̀ wụ́ ọọ.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 14:19

Agụvị avọọ, â vọrọ ka ya sị ayị tụ́ ịnị ịsị ẹẹ̄ sị ẹngwọọrọọ vẹ, dị ị rẹ zụ sị gụ ẹngụụ ụvọ.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

1 Anịkọrịntị 14:12

U mèe sì ka Ụhwẹ Ohomorihi ọ̀ sị ụkata wụ nịnị, ana a vọrọ ka wee sìi hu nịnị ọ vị ana vaa gụ ịragụ Ohomorihi ụvọ nị.

1 Anịkọrịntị 14:26

Ẹwụ nịnị ẹyịnyara amị, wáá yẹ ịsị mee sì ka ma kà wụ nịnị? Wàa va sị gụ nịnị, aza ẹnyị ẹ̀ẹ jị ahẹ, dị ọsa ọ̀ọ zụ̀ aza ịsa! Aza ẹnyị ẹ̀ẹ kà a yị aza ana vọ ịsị Ohomorihi sị zụ̀ wa! Aza ẹnyị ẹ̀ rẹẹ sị ẹkụra ọsaa kà ịrẹyị, dị aza ẹnyị ẹ̀ rẹẹ kà iruvo anị. Re ka avaba ịsị àaa mẹ, aa gụ anịragụụ ụvọ!

2 Anịkọrịntị 10:8

Màa daka raà sị ụkata ana Ananyị yị sị yị wo oto baaba, ụhị ọ yị hụ ụvị avọọ nyị yị. Vị Ananyị yị sị ụkata yị ka ya sị gụ wụ nịnị ụvọ nị, ọ yị kà a ka ya sị gụ wụ nịnị hyẹdụ.

2 Anịkọrịntị 12:19

Vi u wéé ro nịnị ka i yee sì ka ya dọ ẹngụ ayị tụ́ ịnị ụvọ awụ nịnị nị? Vụrụ-vụrụ. Yâ jẹẹ ọvịdị Ohomorihi aa kà ịrẹyị anka ọza ọnị ọnịrị Ikirisiti sị vị ọnya. Ẹwụ nịnị ẹyịnyara amị, avaba ịsị ị yaa mẹ vị ọnị yaa mẹ ka ya sị gụ wụ nịnị ụvọ.

2 Anịkọrịntị 13:10

Iruvo ọnị maa sịị chẹrẹ iwe ọnọnịị tụ́ụ hi wu nịnị m mẹ̀ yị yà ịdị awụ nịnị yị: Me yi sì ka màa vẹ, ma sị ụvọ ọkatẹngụ za wụ nịnị, anka Ananyị yị mẹ̀ sị ụkata mị. Ụkata ọnị ọ sị mị vị ọnị ọ kà ma sịị gụ aza ụvọ, ọ yị kà ka ma sịị gụ ọzaa hyẹdụ.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Anẹhwẹsọsị 4:12

Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti.

Anẹhwẹsọsị 4:16

ana aa sị oze zụ̀ avaba ẹngụ ana vọ. Ọnị ọ kụ́ avaba ẹnịnị vabẹ nị, anka ọ́zị mẹ̀ kụ́ ọchẹngụ ọza gẹ. Dị ẹyaa mẹ ụkọrọọ zị oze ọnya nị. Avaba ọchẹngụ ọza ọ̀ọ vavọọ aa mẹ̀ ụkọrọ, ọ mẹ̀ vọrọ, ọ vaa mẹ ka avaba ọchẹngụ ọ̀ọ vịra. Avọọ ọ mẹ̀ rẹ vị yị (anịragụ Ohomorihi ana vị) ẹngụ Ikirisiti nị, ọzọza àa gụ ọsa ụvọ, di e ree sì ịrẹyị ẹngụ nị.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Iwe Ọhụhị Imosiisi ana aa hị́ Ọyịvatụrọda 12:10

Ịjị ụ wàa raà jịnẹ Okuha Ịjọdanị nịnị, Ẹnẹyịmavara vaa navọ ka wa ra ịzọọ nịnị. O vee sere wu nịnị, dị ẹ yị zẹẹ ka ọnịvị awụ nịnị ẹ̀ zụ mẹ wụ́ ịrẹyị. Ụ vaa ra ịnị ẹngwọọrọ nịnị.

Anihwiripi 2:1

Wáa yẹ nịnị ka ẹwụrị Ikirisiti ọ sị vị ọnya nịnị. Ọnọọ ộ sị ụkata yị ayị awụ nịnị. Ikirisiti óo sì ịrẹyị awụ nịnị, agụvị avọọ ayị awụ nịnị óo hunẹnẹ. Ẹwụrị Ụhwẹ Ọnịnị ọ sị vabẹ nịnị, ụ raa ngụ ayị ẹngụ nịnị, di u ree roo yị ẹngụ nịnị nị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

1 Itimoti 1:4

Rẹ kà a yị wa ka ẹ̀ và hụụnị ịtọpa kẹnẹ-kẹnẹ ọnịrị ịrẹha ohiku nịnị ọyịtara hi ẹtẹ pooro! Ahankata kẹnẹ ẹ́ngụ ẹnẹ ẹẹ̄ kụ́ụ vẹ nị. Ẹyị zẹẹ ka aza ẹ̀ sị ayị tụra Ohomorihi, dị Ohomorihi ọ̀ va mẹ ọgụvọ yị wa.

Anihiburu 4:9

Ọnọọ ọ́ọ sị zụ̀ ka a nyị nyị ụhwọtụ ana aza Ohomorihi va naa tụ́.

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.

Ọdọvịdị 3:30

Ịhị ọnọọ Anisirẹrị huna Animowabi, dị a vana nyị ẹngwọọrọ ịrayị ẹbẹẹna nị.