Odeyi 9:26 - IWE ỌNỊNỊ

²⁶ Ịsọọrụ ộ nọ Ijerusarẹmị, di ee sì ka ọnị ọ̀ sị ẹngụ vaka ezirẹma nịnị nị. Ẹnịnị ẹ yị dọ wụ́ ka Ịsọọrụ ọnị ọ rẹ sị vara ozirẹma Ijeesu, di eyee hí angwa anị nị.

Odeyi 9:26 ပူးပေါင်းရင်းမြစ်များ

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 4:23

A mẹ̀ sị wa hụrẹ ụvọ kẹnẹ, dị Ipita ọnịrị Ịjọọnụ varẹma nọ ịdị anda ẹnịnị, dị ẹ na kà a yị wa ịsị ohirẹsụ ẹbanyị irehi Ohomorihi ọnịrị azọkụ nịnị kà nị.

Odeyi 9:19

Ịjị ọ sị ịsa rị, dị ọ rẹ sị ụkata nyị nị. Ịsọọrụ ộ yà ịdị ezirẹma nịnị Ị́damasịkọsị mẹ ẹkụhị chee.

Odeyi 9:25

Ama ịnị ịrahụ ẹkụhị ọnya, dị aza ịrẹma Ịsọọrụ sị ọọ tụ́ ini uji, dị ẹ zị oze ịnị ọvọ ana kara ẹkụra chí ọ hi ẹtẹ nị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).