Odeyi 9:22 - IWE ỌNỊNỊ

²² Ịrẹyị ọnị Ịsọọrụ aa kà, aa nyị ụkataa hu avọọ. Ọ màa sịị zụ̀ ka Ijeesu ọ vị Ọdọzaha nị, Aniju nịnị ana ra Ị́damasịkọsị e yi zụ tụ́ ọ ohi.

Odeyi 9:22 ပူးပေါင်းရင်းမြစ်များ

Oyinyima 49:24

ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 51:13

Wàa maanị raà gụ mị ụvọ, ẹmị rẹ va zụụ sị ịrẹyị awụụ zụ̀ aza ana aa jịnẹ ọda awụ, dị ọnịvị nịnị aa vàa ká wụụ vẹ.

Ahẹ Ụgama 84:7

Ẹ́ maà na, avọ ẹ màa nyị ụkataa hu avọọ pooro di e na ngụ ana vị ịda Ohomorihi nị.

Ayịsaya 40:29

Ọnị ọọ̄ sị ụkata yị ọkụmị ọnịrị ọza ọnị ọ sị ngụ ẹngụ.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Odeyi 17:3

Dị aa kà a yị wa, dị ọ raa sịị zụ̀ wa ka â nyị ka Ikirisiti ọ̀ rị ụya, dị ọ̀ rẹ ha kwẹẹtẹ hụụnị isu nị. Dị Ịpọọrụ ka Ijeesu ọnị ọnị aa kà ịrẹyị anịị yị wa aanị, ọ vị Ọdọzaha nị.

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Odeyi 9:21

Avaba aza ana wụ́ ọ vị ọnị o hí irenu. Dị ẹ ka, “Aanịka ẹ yị vị ọza ana yà Ijerusarẹmị ana aa wụ̀ ọza ana àa hị́ ịrẹha ọnọnị yị? Aanịka ẹ yị vị ọ vẹ ịzẹnị ka ọnị ọ̀ va sụ́ wa orupa, dị ọnị ọ̀ kụ́ wa nọ ịdị ohirẹsụ ẹbanyị irehi Ohomorihi?”

Odeyi 9:23

Ịjị ọ sị mẹ ẹkụhị chee para hu, dị Aniju nịnị gẹ eyi ka ẹnị ẹ̀ wụ ọ nị.

Odeyi 9:27

Dị Ịbanabasị va sị ọọ ká odeyi nịnị na nị. Dị ọ kà a yị wa, Ị́sọọrụ meme re Ananyị yị óze, dị ọ kà ịrẹyịị yọ nị. Dị ọ rẹ kà a yị wa, Ị́sọọrụ mẹmẹ sị ọtụtụrụma kà ịrẹyị Ijeesu Ị́damasịkọsị nị.

1 Anịkọrịntị 1:27

Ohomorihi ọ raà nyị ịsị anẹhẹ ro ka ịyẹyẹ ọ vị nị, ka ọnị ọ̀ sị mẹ̀ ụhị nyị ọyẹrẹyị nịnị. Ọ rẹ nyị ịsị anẹhẹ ro ka ẹyị nyị ụkata ka ọnị ọ̀ rẹ sị mẹ̀ ụhị nyị ọnụkata nịnị.

Anigaratiya 1:18

Ịrayị ẹẹta ọ sị mẹ, dị mị va nọ Ijerusarẹmị ka me ne hee Ipita. Máa yà ịda anị mẹ ẹkụhị ẹwụrẹhị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

1 Itimoti 1:12

Máa kụ́ Ijeesu Ikirisiti Ananyị yị avọ, agụvị ka aa sị ụkataa mị. Ma rẹ kụ́ ọọ avọ, agụvị ka ộ za mị ịrịka ka máa nyị ịzẹyịza, dị ọ sị mị tụ́ ịnị ụkọrọ anị nị.