Odeyi 9:18 - IWE ỌNỊNỊ

¹⁸ Obooboro ọnọọ, dị ịsa ẹnyị aanị anka iguha ivovo avọọ hụrẹ hụụnị eyi Ịsọọrụ, di o kuku ee re ẹtẹ nị. Dị ọ kwẹẹtẹ jẹẹ, dị a mẹ̀ ọyịhwọzenyi yọ nị.

Odeyi 9:18 ပူးပေါင်းရင်းမြစ်များ

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 22:13

Di o ve tù mi, dị ọ jẹẹ dị ọ ka: ‘Ịsọọrụ, ẹnẹbẹnị ayị, eyi awụ ọ̀ há!’ Ụmẹ ọnọọ gẹdẹ-gẹdẹ, di mi re ẹtẹ, di mee ree nị.

Odeyi 22:16

Sị ẹ vẹ dị ụ kụkụ jẹẹ? Kwẹẹtẹ, dị à mẹ̀ ọyịhwọzenyi wụ; hị́ ịrẹha Ananyị yị, dị ọ̀ nyịna ịvị awụ kwooze!’

Odeyi 9:17

Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

Odeyi 9:19

Ịjị ọ sị ịsa rị, dị ọ rẹ sị ụkata nyị nị. Ịsọọrụ ộ yà ịdị ezirẹma nịnị Ị́damasịkọsị mẹ ẹkụhị chee.

Odeyi 9:8

Dị Ịsọọrụ kwẹẹtẹ hụụnị eteesu nị. Ô há eyi anị, ama o yi zụ re ẹtẹ. Dị ẹ sị ụvọ gẹ ẹ, dị ẹ sị ọọ na ngụ Ịdamasịkọsị nị.

2 Anịkọrịntị 3:14

Ayị ẹnịnị vị ẹnẹ rẹ sị ịta kú. Vi ve tụ́ ajịnị, ẹ̀ẹ yaa kà iwe oto ịyẹẹyẹ, vị ịsa ọnọọ ki kú wa ayị nị. Ịhị ọza ọnịrị Ijeesu oni Ohomorihi nyị mẹ ohinọyị ka ọ̀ dọ yị há, ọ̀ọ sị vị ọnya, ịhị ọnọọ a vaa hụ̀ ịsa ọnọọ hụrẹ ẹ ayị nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.