Odeyi 9:15 - IWE ỌNỊNỊ

¹⁵ Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Odeyi 9:15 ပူးပေါင်းရင်းမြစ်များ

Ijeremaya 1:5

dị a va yẹ ka ee zyẹẹ aanị ọnị ộ yẹ ọnị, dị a va yẹ ka aa ma ọnị ọnị Ẹnẹyịmavara hụrẹ nyị ọnị ka ọnị vaa vị ọnịsẹ anị yị anẹhẹ nị.

Ijeremaya 1:7

Ama dị Ẹnẹyịmavara kà a yị ọnị ka, a sị ọnị kà a ka ọnị ọ sị vị ozweyi, agụvị ka avaba aza ọnị ọnị ọọ tụ ọnị hi ọnị vaa nọ ịdị anị nị. Ịsa tụra ịsa ọnị ọnị ọọ ka yị ọnị, ọnị vaa kà nị.

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 22:14

Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 25:22

Dị Agiripa kà a yị Ịhwẹsịtọsị dị ọ ka, “Emi ree sì ka ẹmà rẹ wụ́ ịrẹyị ọnọrụ ọnọọ bẹẹ.” Dị Ịhwẹsịtọsị ka, “Ụ vaa wụ́ ịrẹyị anị ụhwọọ.”

Odeyi 26:1

Dị Agiripa kà a yị Ịpọọrụ ka, “Wê re oze kụ́ irenu awụ booro aanị.” Dị Ịpọọrụ mi ụvọ, dị aa kụ́ irenu anị nị. Dị ọ ka:

Odeyi 26:32

Dị Agiripa kà a yị Ịhwẹsịtọsị ka, “A yaanị sị ọnọrụ ọnọnị hụrẹ ụvọ, ẹ̀ ị vị ọnị ọ ka ọnị aa sị ịrẹyị anịị nọ ịda ohinọyị Aniroomi.”

Odeyi 27:24

dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 11:13

Ẹwụ nịnị ẹnẹ ẹ̀yị vị Aniju mị kụkụ aa kà ịrẹyịị yị booro aanị nị. Ẹma vị odeyi ana aa mẹ̀ ụkọrọ ị́da Anigiriki nị. Udi amị ọnọọ vị ọnị mị nyayịnẹ sị ụbanyị yị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Anịkọrịntị 9:16

Ịzẹyịza, maa kà enube ọyịza, ama ẹ yị nyị ịsị mị zụ sị mẹ eyi ịnị anị, agụvị ka me yi zụ yi ka mẹ yị mẹ̀ ẹ. Àa vị ka mẹ yị kà enube ọyịza, ma sị dà!

Anigaratiya 1:1

Ẹmị Ịpọọrụ ana vị odeyi Ijeesu Ikirisiti ọ chẹrẹ iwe ọnọnị nị. Ẹ yị vị ọza ọ hị́ mị, ẹ yị rẹ vị aza ẹ nyị mị ka ma vị odeyi. Ama Ijeesu Ikirisiti ọ nyị mị nị, ọnịrị Ohomorihi Ada ayị, ana ha Ijeesu hụụnị isu.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

2 Itimoti 2:4

Ọza ana aa kụ̀ ịrẹkụ, ọ mā kụkụ nyị eyi yị ụkọrọ ẹngụ anị, agụvị ò zụ zé ọga anị ana dọ ọ eyi.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”