Odeyi 9:13 - IWE ỌNỊNỊ

¹³ Dị Ananịya ka, “Ananyị yị, aza ọrụrụ-ọrụrụ aa kà ịrẹyị ọnọrụ ọnọnị, nọ! A ka ộ mẹ̀ ịsa odivi hi aza awụ ene hi Ijerusarẹmị ẹtẹẹtẹrẹ.

Odeyi 9:13 ပူးပေါင်းရင်းမြစ်များ

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Odeyi 22:4

Mâ sị ụya rị aza ana zị oze Ikirisiti ọnọnị ne tù ka mâ hyakụ wụ̀ wa bẹẹ. Mâ za aza, anọrụ ọnịrị anẹẹ, dị maa tụ́ waa orupa, dị maa kụ́ waa hi ịnị ẹngwa nị.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

Odeyi 9:1

Ịnị ụmẹ ọnọọ, Ịsọọrụ ee yii chire ezirẹma Ananyị yị angwa. Dị aa mẹ kaakara ka ọnị ọ̀ wụ̀ wa nị. Dị ọ nọ ịdị ohirẹsụ ọbanyị irehi Ohomorihi,

Odeyi 9:21

Avaba aza ana wụ́ ọ vị ọnị o hí irenu. Dị ẹ ka, “Aanịka ẹ yị vị ọza ana yà Ijerusarẹmị ana aa wụ̀ ọza ana àa hị́ ịrẹha ọnọnị yị? Aanịka ẹ yị vị ọ vẹ ịzẹnị ka ọnị ọ̀ va sụ́ wa orupa, dị ọnị ọ̀ kụ́ wa nọ ịdị ohirẹsụ ẹbanyị irehi Ohomorihi?”

Odeyi 9:32

Ipita vị ana aa ngụ ọọ zịịzị. Ẹkụhị ọnya, di o ne hee aza Ohomorihi ana ra Írida nị.

Odeyi 9:41

Dị Ipita sị ụvọ gẹ ẹ, dị ọ sị ọọ kwẹẹtẹ nị. Dị ọ hị́ ọdọwụ ẹnẹẹ beri osoku ẹnẹẹ, dị ọ sị ọọ yị wa ireyi-ireyi nị.

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Aniroomi 15:31

ka ò jị oku kú mi hụụnị ụvọ Anijudiya ẹnẹ ẹ̀ yị dọ wụ́. Rẹ mẹ̀ aduwa ka aza Ohomorihi ene hi Ijerusarẹmị, ẹ̀ dọ ụkọrọ ọnị maa naa mẹ ịzọọ!

Aniroomi 16:15

Rẹ kụ́ Ihwirorogusi beri Ijuriya ọnịrị Inerusi beri onyeyiza anị ọnịrị Orimpasi ne beri avaba aza Ohomorihi ana vọ ana yà ịda ẹnịnịị mị!

Aniroomi 16:2

Hụ ụvọ Ananyị yị wa dọ ọ pe ẹngụ nịnị, anka ọ mẹ̀ vọrọ tụra aza Ohomorihi! Ịsị èe sì, ụ mẹ ọgụvọ anịị yọ nịnị, agụvị ka ọnị nyẹmba vị anaā gụ aza ụvọ. Ọ hyakụụ gụ mị ụvọ bẹẹ.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

1 Anịkọrịntị 14:33

Ẹ yị vị Ohomorihi ọọ̄ mẹ̀ ka aza ẹ̀ẹ mẹ jugu-jugu. Ịsa ẹngwọọrọ Óhomorihiī sì ka yaa mẹ nị. Ịnị avaba ịragụ aza Ohomorihi,

1 Anịkọrịntị 16:1

Mi ree sì ka ma kà ọ̀nọ̀ ịnị ịrẹyị oze ẹkẹhị ọnị ụ waa dọ nịnị ka à sị na mẹ ọgụvọ yị aza Ohomorihi. Waa dọ ọ nịnị anka m mè re beri Anigaratiya nịnị juwe.

1 Anịkọrịntị 6:5

Ho! Ụhị ọ mā nyị wụ nịnịị? Ẹ yị daba nyị ọyẹrẹyị ọnya ịnị ẹngụ awụ nịnị ana zụ mẹ̀ ọkarẹyị yị ọdọwụ ẹẹva?

Anẹhwẹsọsị 1:1

Ẹmị Ịpọọrụ oni Ohomorihi nyị ka ọ̀ vị odeyi Ijeesu Ikirisiti, ọ chẹrẹ iwe ọnọnị tụ́ hi aza Ohomorihi ene hi Ẹhwẹsọsị nị, aza ana ahịka ẹ́ẹ sị ayị tụra Ijeesu Ikirisiti, dị ẹnịrị ọ sị vị ọnya.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 4:22

Avaba aza Ohomorihi ka ẹnị kụ́ wụ nịnị. Ẹnị anineehi ohinọyị Aniroomi ka màaa kụ́ wụ nịnị, ẹnị ẹ̀ẹ wụ́.

Anikorasi 1:2

ẹwụ nịnị, aza Ohomorihi ene hi Ikorosi nị. Ẹwụ nịnị anda ayị ana aa sị ayị ọnyaa saasa Ijeesu. Ohomorihi ọ̀ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị.

Anihiburu 13:24

Kụ́ avaba ọdọvịdị awụ nịnị, ọnịrị avaba aza Ohomorihi ana vọ! Anda ayị ana hụrẹ Itari vẹ ka ẹnị kụ́ wụ nịnị o.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

1 Ịsamụwẹrị 16:2

Dị Ịsamụwẹrị kà, “Ho! m mẹmẹ aa na? Ịsọọrụ ộ wụ́, vị aa wụ̀ mị nọ!” Dị Ẹnẹyịmavara kà ọ̀ sị ozi imaaru ọnya hụụnị ịsụpa ẹnịnị rị ụvọ za aa na, dị ọ̀ kà a ka vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị.