Odeyi 8:9 - IWE ỌNỊNỊ

⁹ Ịnị ẹkụra ọnọọ â nyị ọnọrụ ọnya aanị, ana aā hị́ Ịsayịmọnị. Ọnịvọpa ọ vị nị. Aa mẹ̀ ụkọrọ ịvọpa ene hí Anịsamarịya nịnị irenu. Dị ọnị rẹ ka ọza ọkụmị-ọkụmị ọ́nị vị nị.

Odeyi 8:9 ပူးပေါင်းရင်းမြစ်များ

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ọyịkụra 7:22

Dị ọnịvọpa ene hi Ijipiti ẹnị rẹ vavọọ mẹ ịvọpa nị. Ayị Ihwarawo ọ sị sị kà geri-geri. Anka Ẹnẹyịmavara mẹ̀ vịdị kà a, Ihwarawo ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 9:11

Ọnịvọpa nịnị ẹ yị kụkụ zụ jẹẹ pè Imosiisi agụvị ịtahụ ana tụra wa ọnịrị avaba Anijipiti.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Odeyi 13:6

Ệ ngụ ẹkụra ọnọọ ene enyi kara, dị ẹ na pooro di e ne tù ịzị aā hị́ Ịpahwọsị nị. E ne tù ọnịvọpa ọnya ịzọọ ana aā hị́ Ozi Ijeesu. Aniju ọ́za ọnọọ vị nị; dị ọ vị ọnịsẹ ireche nị.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 5:36

Dị ụmẹ ọnọnị ve tù, Itewudasi ộ vẹ, ka â nyị ịsa ọ́nị vị. Ẹhụụ aza ẹnị akava avọọ (400) ệ saasa a. Â wụ ọ, dị avaba aza ana ka ẹnị vị ezirẹma anị gara hi, dị ịrẹyị anị ta kẹnẹ nị.

Odeyi 8:11

Ệ saasa a, agụvị ka o si kù ọnọọ hụrẹ aa sị ẹbẹẹ mẹ̀ ịsa ene hí wa irenu.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

2 Itimoti 3:2

agụvị ka aza vị ene kuku vee sì ịrẹyị ẹngụ ẹnịnị kẹnẹ, dị ẹyaa họ́họ̀ha, dị ẹ rẹ yaa mẹ eyi, dị ẹyaa sị ẹngụụ tụ́ ẹba. Dị ẹyaa kụ́ aza ụhụ, dị ẹyaa mẹ akamawụụ hi aza ana ma wa, dị ẹyị kụkụ yẹ ẹyịza, dị ẹyị yẹ Ohomorihi.

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.