Odeyi 8:33 - IWE ỌNỊNỊ

³³ Â sị ụya rị ọọ, ọza ọ yị sị ịzẹyịza mẹ̀ ọkarẹyị anị. Ọza ọ yị zụ kà ịrẹyị anụmẹ anị, agụvị ka a sị ọọ dọ ụhwẹ hụụnị ẹhẹ.”

Odeyi 8:33 ပူးပေါင်းရင်းမြစ်များ

Ijoovu 27:2

Ohomorihi Ochẹtẹẹngụ ana yara ọ yị mẹ̀ ebira ana vọrọ ka ọ̀ me hi ọnị. Di ọ navọ mị tụ ịnị ayodu nị. Dị ọ hị́ eku ka,

Ijoovu 34:5

Ijoovu kà ọnị ẹ yị rị ịvị ka Ohomorihi yi kẹnẹ dị ẹ yị hụrẹ ọnị ụvọ nị.

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Ahẹ Ụgama 22:30

Ezi ịrẹma-ịrẹma vaa hẹkẹ Ẹnẹyịmavara A vaa pa ịta yị wa ịsa ọnị ọ mẹ.

Ayịsaya 10:2

Waa mẹ ọda nịnị ka wa sị mẹ ehuna yị onosiye nịnị. Waa mẹ irikichi tụ́ ịnị ịrẹyị aza amị ana aza aa mẹ ẹchakaa yị. Ịsị osoku ọnịrị ozi oku ẹ̀ẹ vụrị nyị dị ụ dọ wa nịnị. Ịhị Ohomorihi àaa sị ụyaa rị wụ nịnị, dị ọ kụ́ ịrẹyị hụrẹ aha ẹnẹẹnẹ ve tù wu nịnị nị,

Ayịsaya 5:23

Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ayịsaya 53:7

 mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị.

Ayịsaya 53:8

Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ihabaku 1:4

Ịzẹyịza ọ ta hụrẹ ẹtẹ. Aza ọhịmị ẹ kụkụ aa nyị ẹbẹẹba aza ọyịza nị. Aza ẹ yị kụkụ saasa ọda Ẹnẹyịmavara. Ọzọza vị ana mẹ̀ ịsa ene zee eyi kẹnẹ.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Odeyi 8:34

Di osuretu ọnọọ kà a yị Ihwiripi dị ọ ka, “Kà a mị dị a re, ẹnẹ ọnịsẹ ọnọọ aa kà ịrẹyị anị? Ẹngụ anị wáá yọ, à vị ọza ẹnẹsa?”