Odeyi 8:27 - IWE ỌNỊNỊ

²⁷ Dị Ihwiripi kwẹẹtẹ, dị aa na nị. Â nyị ọnọrụ Anetiyopiya ọnya aanị, osuretu ọ vị nị. Ọnị ọ vị ọga ana sị eyi pe ẹkẹhị Ohinọyị ọnẹẹ Anetiyopiya nị. Aā hị́ ọnẹẹ ohinọyị ọnọọ Ikandase. Ọnọrụ ọnọọ vị ana nọ Ijerusarẹmị na hẹkẹ Ohomorihi,

Odeyi 8:27 ပူးပေါင်းရင်းမြစ်များ

1 Ohinọyị 10:1

Ịnị ụmẹ ọnya, â nyị ohinọyị ọnẹẹ ọnya ana vị ohinọyị tụ́ ẹkụra ana aā hị́ Iseva. Ộ (zị oze ịnị ụvọ Ẹnẹyịmavara) wụ́ ụgụụgụ Isoromọnị. Dị ọ vẹ ka ọnị ọ̀ sị ụhịrẹyị zama Isoromọnị re nị.

Ahẹ Ụgama 68:29

Ohinọyị nịnị vaa kụ́ ịsa vaa yị wụ ini eehi awụ Ijerusarẹmị ịzị ụ vavọọ ya mẹ.

Ahẹ Ụgama 68:31

A vaa tụ́ odeyi hụrẹ Ijipiti vẹ, Anisudani vaa kụ̀rà ụvọ tụ́ ẹba dị ẹ yaa mẹ̀ aduwaa hi Ohomorihi.

Ahẹ Ụgama 87:4

Ọ kà ọnị vaa chẹrẹ ẹ ka Ịrahabị ọnịrị Ịbabịrọnị yị ịnị anẹkụra ana yẹ ọnị. Anihwirisiti ne beri Anitaya ọnịrị Anikusi ka ẹnị ẹ̀ rẹ yẹ ọnị bẹẹ.

Ayịsaya 18:7

Ụmẹ ọnya aa vẹ. Ịhị ọnọọ anẹkụra ana hụ, dị ẹngụ ẹnịnị swa ana avaba azaa hí angwa anị aanị vaa kụ́ ẹyịza vaa yị Ẹnẹyịmavara, Anẹkụra ọnị maa kà aanị vị ọnọyịha, ọza ọ yị wụ́ ẹkụra ẹnịnị. Okuha vị ana gà ẹkụra ẹnịnị hi. Ẹ vaa kụ́ ẹyịza ẹnẹẹ vẹ ịnị ataba ịzị a yà aa hẹkẹ Ẹnẹyịmavara Ochẹtẹẹngụ.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 45:14

Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ayịsaya 60:6

Osohu ẹbanyị-ẹbanyị ana asị ịnyaakụmị zị ụsẹ vaa hụrẹ Imidiyani ọnịrị Ehwa vẹ. Ẹnyị vaa kụ igooru ọnịrị eturare hụrị Ịshẹba vẹ yị wụ. Aza vaa ka enube ọyịza ịsị Ẹnẹyịmavara raà mẹ̀.

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ijeremaya 38:7

Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.

Ijeremaya 39:16

Ọ̀ na kà a yị ọnọrụ ana aā hị́ Ebedi-Ịmẹrẹkị ana vị Anetiyopiya ka; Ẹnẹyịmavara Ochẹtẹẹngụ, Ohomorihi Anisirẹrị nịnị ka: Ré; ọnị vaa mẹ avaba ịrẹyị ọnị ọnị ka ịnị ịpa Ijerusarẹmị. Ịrẹyị ọhịmị ọ vaa vị nị, ẹ́ yị vaa vị ọyịza. Ọ kà, eyi awụ ọ vaa vị ịhị ọnọọ nị.

Ịzẹhwanaya 3:10

Hụrẹ ẹtẹ Etiyopiya, aha ẹnẹẹnẹ, aza Ẹnẹyịmavara ana gara hi ozi vaa sị ịsa ịsọvọ vaa yọ.

Imatiwu 12:42

Ịnị ẹkụhị ọkarẹyị, ohinọyị ọnẹẹ ana ra éyi ụvẹtẹ vaa kwẹẹtẹ, dị aa tụ́ anụmẹ ọnọnị ohuvọ. Ọnẹẹ ọnọọ ộ hụrẹ ụtọ ẹhẹ vẹ ka ọnị ọ̀ va wụ́ ịrẹyị ịrẹyọyẹ Isoromọnị. Di u we re ka ọza ene ve huna Isoromọnị, ọ yà ịzẹnị aanị nị.”

Ịjọọnụ 12:20

 nyị Anigiriki ẹnyị ịnị aza ana vẹ ka ẹnị ẹ̀ va mẹ ahẹkẹ ini eche ọnọọ.

Odeyi 8:28

dị ọ varẹma aa nọ eehi nị. Ọ mẹ̀ yaayịtẹ ịnị ịkẹkẹ aanị aa na, dị aa kà iwe Ayịsaya ana vị ọnịsẹ nị.

Iwe Ọhụhị Imosiisi ana aa hị́ Ọyịvatụrọda 30:13

Ẹ yị ya akẹnẹ oku. Ẹ yị nyị ka wee họ̀ use ka ẹnẹ aa jịnẹ oku na sị ọ va yị, agụvị yaa wụ ọ, dị yaa saasa a?

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.