Odeyi 8:21 - IWE ỌNỊNỊ

²¹ Wẹ yị nyị ụvọ tụ́ ịnị ụkọrọ ayị ọnọnị, agụvị ka wẹ yị nyị ayị ọnya ini eyi Ohomorihi.

Odeyi 8:21 ပူးပေါင်းရင်းမြစ်များ

2 Ịtọpa 25:2

Amaziya ộ mẹ̀ ebira ene hine Ẹnẹyịmavara ayị ama ệ yị sị ayị ọnya mẹ̀.

Inehemaya 2:20

Dị Inehemaya tụ wa ohi ka, “Ohomorihi ana nyị ẹbẹẹba vaa sị ẹnị nyị ehuna. Ẹnị ezi ahụ anị vee nyima ọyị tenyi ọvọ ẹkụra tụra. Ama Ịsanbaratị ọnịrị aza anị ẹ yị nyị ụvọ tụ ụkọrọ Ijerusarẹmị agụvị ka ẹ yị nyị ẹtẹ ọnị ụkọnkọnọ ẹnịnị aa vaa chị ụsị tụ́.”

Ahẹ Ụgama 36:1

Aza edivi vị ana nyayịnẹ sì ịrẹyị ebira odivi ịnị ayị ẹnịnị Ẹnịnị ẹ yị hyakụ hị́ angwa Ohomorihi vụrụ-vụrụ.

Ezikẹẹrị 14:3

Ozi-ọza, aza ẹnẹnị vị ana kụ ịrẹyị ori ẹnịnị hi ịnị ayị, dị ọ mẹ ka ẹnịnị ẹẹ mẹ̀ ebira odivi nị. Vị́ ẹnịnị wéé roo ka ọnị vee tu ẹnị ohi ịrẹyị nị?

Ireevi 13:8

Ohirẹsụ irehi Ohomorihi vaa zama a re, àa vị ịtahụ ọnọọ sị yara hi ẹngụ nị, dị ọ kà a ka ọza ọnị ụkụ ọnọnị za ẹ́ yị kụkụ nị, ụkụ ọbanyị ọ za a nị.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Odeyi 8:37

[Dị Ihwiripi ka, “Wàa sị avaba ayị awụ dọ wụ́, a zụ mẹ̀ ọyịhwọzenyi wụ.” Dị ọnọrụ ọnọọ ka, “Mâ dọ wụ́ ka Ijeesu Ikirisiti ọ vị Ozi Ohomorihi nị.”]

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Iwe Ọhụhị Imosiisi ana aa hị́ Ọyịvatụrọda 10:9

Avọ Anireevi ệ yị nyị ẹtẹ ụvọta ẹnịnị anka aza ana vọ. Ẹnẹyịmavara ộ ka yị wa ka ọnị Ohomorihi ọ vị ogu ẹnịnị nị.)

Iwe Ọhụhị Imosiisi ana aa hị́ Ọyịvatụrọda 12:12

Ụ vaa yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ. Ẹwụrị ezi ọnọrụ awụ nịnị ọnịrị anẹẹ. Ẹwụrị ọrịhị awụ nịnị anọrụ ọnịrị anẹẹ, beri Anireevi ana ra ẹkụra awụ nịnị; tamayị nịnị ka Anireevi nịnị ẹ yị nyị ẹtẹ yị ẹngụ ẹnịnị ụvọta.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ijosuwa 22:25

Ọnị ọ sị Ijodani tẹ̀ ẹhwị ẹtẹ yị ẹyịrị ẹwụ nịnị ezi Irubẹnị, ọnịrị ezi Igadi nị. Wẹ yị nyị tụ ịnị ịsa Ẹnẹyịmavara nịnị. Ezi ewu nịnị ẹ zụ vavọọ mẹ ka asị ezi eyi kụkụ hẹkẹ Ẹnẹyịmavara.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ẹtore 20:6

Ọnịpaapa ẹnẹẹ ana a vịdị vavọọ ha hụụnị isu vị Óhomorihi, ẹ rẹ vaa dàa jẹ. Ẹngụ aza ẹnẹẹ e mè vene kuku sú ụpẹ ọhụva. Ohirẹsụ irehi Ohomorihi ẹ vaa vịị yị Ohomorihi ọnịrị ohinọyị ọnị ọ ka ọ̀ dọ yị há nị. Dị ẹnịrị ọọ dudu mẹ ohinọyị mẹ ịrayị akahị.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.