Odeyi 8:14 - IWE ỌNỊNỊ

¹⁴ Apositeri nịnị ene hi Ijerusarẹmị ệ wụ́ ka Anịsamarịya nịnị ẹ sị ịrẹyị Ohomorihi dọ, dị ẹ tụ́ Ipita ọnịrị Ịjọọnụ nọ ịdị ẹnịnị nị.

Odeyi 8:14 ပူးပေါင်းရင်းမြစ်များ

1 Ohinọyị 13:32

Mâ yẹ ka ịrẹyị ẹnị Ẹnẹyịmavara kà ò nowu anị hi aha ịsọvọ Ị́bẹtẹrị ọnịrị avaba irehi aha ọnẹba ene hi ịnị ẹkụra Ịsamarịya nị.”

Imatiwu 13:23

Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 15:4

Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.