Odeyi 7:42 - IWE ỌNỊNỊ

⁴² Ohomorihi ộ vaa ịrẹma ẹnịnị, dị ọ navọ wa ka ẹẹ hẹkẹ ụzọmị ẹbẹẹba, anka a mẹ̀ chẹrẹ ẹ tụ́ ini iwe ọnịsẹ nịnị ka.” Ẹwụ nịnị Anisirẹrị, ẹ yị vị ẹmị ụ waa wụ̀ uyee mẹ ịsọvọọ hi nịnị hụrẹ ịrayị ẹbẹẹva ịnị ụnọmị.

Odeyi 7:42 ပူးပေါင်းရင်းမြစ်များ

2 Ohinọyị 17:16

Ẹnịnị ệ jịnẹ avaba ọda Ẹnẹyịmavara Ohomorihi ẹnịnị, dị enyusẹ mẹ ezi imaaru ẹẹva ẹnẹ ẹyaa hẹkẹ nị. Ệ rẹ mẹ uyi ori ọnẹẹ ana aā hị́ Asẹra, ệ hẹkẹ ụzọmị nịnị ọnịrị ori ana aā hị́ Ịbaarị.

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ayịsaya 66:4

Ẹnẹyịmavara kà ọnị ộ hị́ wa, ẹnịnị è yi tụ́ ohi, ọnị ộ ka ịrẹyị, ẹnịnị ẹ̀ yị wụ́, ebira odivi ọnịrị akamawụ ẹ yaa mẹ hi ọnị nị. Agụvị avọọ, ọnị aa kụ̀ akanya tụ́ wa, odivi ọnị e yee hí angwa gẹdẹ-gẹdẹ ọnị aa kụ́ tù wa nị.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ezikẹẹrị 20:25

Ọnị ộ hụrẹ wa ụvọ ka ẹ naa saasa ọda kẹnẹ-kẹnẹ ẹnẹ ẹẹ yị vaa mẹ ka ẹnịnị ẹ̀ yara.

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

Odeyi 13:40

Agụvị avọọ sị eyi pe ẹngụ awụ nịnị, dị asị ịrẹyị ọnị ọnya ịnị ọnịsẹ nịnị kà sẹ tụ́ ịrẹsụ awụ nịnịị. Ộ kà a ka,

Odeyi 7:36

Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 17:3

naa hẹkẹ ori, a vị ọyị, a vị ụhwẹ, a vị ụzọmị nịnị nị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Anihiburu 3:9

Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.

Ijosuwa 24:20

Ẹnịnị èe yi Ẹnẹyịmavara, dị ẹ naa hẹkẹ ori ọzọga nịnị nị, ọnị vaa vara eyi ịrazị tu wa, dị ọnị sị ụya rị wa, dị ọnị wụ̀ wa, ịrẹma ọyịza ọnị ọnị vịdị mẹ̀ yị wa.