Odeyi 7:39 - IWE ỌNỊNỊ

³⁹ “Ada ayị nịnị ẹ yị zẹẹ ka ẹnị ẹ̀ wụ́ ịrẹyị anị, dị ẹ tụ́ ọọ ụvọ hụụ ịdị ẹnịnị, dị ẹ raà sị ayị ẹnịnị varẹma nọ Ijipiti nị.

Odeyi 7:39 ပူးပေါင်းရင်းမြစ်များ

1 Ohinọyị 2:27

Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.

Ahẹ Ụgama 106:16

Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ịrịka 11:5

Ẹ ka ẹnị ẹ tamayị ivovo ọnị ẹnị vịdị aa rị kẹnẹ-kẹnẹ ịnị Ijipiti. Ẹnị aa rị avaba ikukumba, ịpapara, ireeki, arịvasa, ọnịrị ịsa ana vọ o mee zee ẹnị eyi nị.

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.

Odeyi 7:27

Di ene sì ịrẹyị aanị tụ́ ọ ụvọ kwooze, dị ọ ka ẹnẹ sị ọọ mẹ ohinọyị ọnịrị ọmọkarẹyị ẹnịnị?

1 Anịkọrịntị 14:32

Ọza ana nyị ụkata ọyịkà ịrẹyị Ohomorihi, ọ̀ zụ sị ụvọ za ẹngụ anị!

Ọdọvịdị 11:2

Ọnẹẹ obooro ọnị Igiriyadi nyị ọ ma ezi ọnọrụ ọsa yị ọ. Ịjị ezi ose anị obooro ẹnẹnị sị vịra dị ẹ dụ Ijẹhụta hụụ ịnị eehi nị. Dị ẹ kà a yị ọ ka ozi ọsẹrẹka ọ vị nị agụvị avọọ, ẹ yị va nyị ogu ada ẹnịnị ana vaa gaa tu ọ.