Odeyi 7:38 - IWE ỌNỊNỊ

³⁸ Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Odeyi 7:38 ပူးပေါင်းရင်းမြစ်များ

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Odeyi 7:30

“Ị́rayị ẹbẹẹva mẹ̀ sị mẹ kwooze, dị anggẹẹrị Ohomorihi sị ẹngụ zụ̀ Imosiisi ịnị ụnọmị ịnị ataba Ịsịnayị ini oze ịra ana aa rị ịnị ọchị ọnya aanị.

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.

Odeyi 7:53

Ẹwụ nịnị anggẹẹrị sị ọda Ohomorihi va yị nị, ama wẹ yị saasa ọda ọnọọ nịnị.”

Aniroomi 3:2

Ohi amị ọ vị ka ọ́ọ nyị ọgụ ẹtẹẹtẹrẹ ini oze tụra oze. Ịpaapa da, Aniju nịnị Óhomorihi sị ịrẹyị anị chire ụvọ nị.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Iwe Ọhụhị Imosiisi ana aa hị́ Ọyịvatụrọda 33:4

Ẹnị ẹ saasa avaba ọda ọnị Imosiisi sị yị ẹnị, dị ọ vị ogu yị ẹnị evere Ijekọvụ nị.

Anihiburu 2:2

Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.