Odeyi 7:36 - IWE ỌNỊNỊ

³⁶ Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

Odeyi 7:36 ပူးပေါင်းရင်းမြစ်များ

Inehemaya 9:10

Ịzọọ Ohomorihi ya sị apọtẹrẹwa ọnịrị ịvọpa zụ Ihwarawo, ọnịrị ezi ahụ anị, neberi aza anị nị. Ộ vavọọ mẹ̀ agụvị ka ộ yẹ Anijipiti nịnị mẹmẹ sị ẹngụ tụ ẹba dị ẹ mẹ ẹvaya yị Anisirẹrị nịnị. Ịvọpa ọnọọ ọ́ sị mẹ ịrẹha yị ẹngụ anị pooro tu ajịnị nị.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ọyịkụra 12:41

Ịhị ọnị ịrayị akava tụra ohurẹẹwụ ọnọọ gụ gẹdẹ-gẹdẹ ịhị ọnọọ dị aza Ẹnẹyịmavara jịnẹ hụrẹ Ijipiti ogu-ogu nị.

Ọyịkụra 14:21

Di Imosiisi tana ụvọ hi òkū nị. Ịnị avaba ịrahụ ịhị ọnọọ dị Ẹnẹyịmavara mẹ ka ahị ọbanyị ọ̀ tụ́ hụrẹ oze ọnị ọyịị̄ zị vẹ dị ọ kụ́ enyi varẹma dị ọ mẹ ka okuha ọ̀ wụ nị. Enyi o si cheva.

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Ọyịkụra 3:20

Di Ohomorihi ka ama vị ọnị vaa tana ụvọ za Anijipiti dị ọnị mẹ ịvọpa irenyi-irenyi eyi ẹnịnị. Ọ kà ọnị ọ̀ọ vavọọ sị ọ mẹ, ọ vaa navọ ka ẹ̀ na.

Ọyịkụra 33:1

Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Odeyi 13:18

Dị ọ sị ẹngụ dọ ịrẹyị ẹnịnị mẹ ẹhụụ ịrayị ẹbẹẹva ịnị ụnọmị nị.

Odeyi 7:42

Ohomorihi ộ vaa ịrẹma ẹnịnị, dị ọ navọ wa ka ẹẹ hẹkẹ ụzọmị ẹbẹẹba, anka a mẹ̀ chẹrẹ ẹ tụ́ ini iwe ọnịsẹ nịnị ka.” Ẹwụ nịnị Anisirẹrị, ẹ yị vị ẹmị ụ waa wụ̀ uyee mẹ ịsọvọọ hi nịnị hụrẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 8:4

Ịnị ịrayị ẹbẹẹva ọnọọ achị ẹnịnị yị re wu.

Anihiburu 3:8

asị ụ na mẹ ayọkatẹngụ nịnị anka óhiku awụ nịnị mẹ̀ mẹ ịnị ụmẹ ẹnẹ ẹ sị mẹ akamawụ hi Ohomorihi ịnị ụnọmị. Ẹnịnị ẹ rẹ zama a re.

Anihiburu 3:9

Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.

Anihiburu 8:9

O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.