Odeyi 7:32 - IWE ỌNỊNỊ

³² ‘Ẹma vị Ohomorihi ohiku awụ nị, Ohomorihi Abụrahamị, Ohomorihi Ayiziiki ọnịrị Ohomorihi Ijekọvụ.’ Dị Imosiisi aa bànyị, ángwa mèe hí ọọ nị. Ọ yị nyayịnẹ kụ̀rà eyi tụ́ ẹba.

Odeyi 7:32 ပူးပေါင်းရင်းမြစ်များ

Oyinyima 26:24

Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.”

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

1 Ohinọyị 19:13

Ịjị Ẹnẹyịmavara vavọọ sị kà yị Erija, dị ọ dà awuru anị kú eyi nị, dị ọ jịnẹ, dị ọ na jẹẹ ini irenu ụtẹha ọnọọ nị. Dị ọ vana wụ́ ka a kà a ka, “Sị waa mẹ ịzẹnị, Erija?”

Ijoovu 4:14

Dị angwa hi ọnị, dị ẹgahị ngụ ọnị nị.

Ahẹ Ụgama 89:7

Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.

Ọyịkụra 3:15

Di Ohomorihi rẹ kà a yị Imosiisi dị ọ ka: ọnị Ẹnẹyịmavara ana vị Ohomorihi ana Abụrahamị, Ayiziiki, ọnịrị Ijekọvụ hẹkẹ ọ tụ́ ọ hi wa nị. Ọ kà Ịrẹha anị ọ vị ọnọọ nị pooro zịna-zịna. Ịrẹha ọnọọ ezi ịrẹma-ịrẹma vaa hị́ ọnị nị.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ọyịkụra 33:20

Dị Ẹnẹyịmavara rẹ ka, “Ama mẹ yị vaa zẹẹ ka we re eyi ịrẹsụ amị. Ọza o mē re mi dị ọ kụkụ varẹma na ra ẹhẹ.”

Ọyịkụra 4:5

Dị Ẹnẹyịmavara kà a yị Imosiisi dị ọ ka: Òo tù ịzọọ ọ̀ vavọọ mẹ̀ ịsa ẹnẹnị. Ọnọọ vaa sị zụ̀ Anisirẹrị ka ọnị Ẹnẹyịmavara ana vị Ohomorihi oni ohiku ẹnịnị Abụrahamị, Ayiziiki ọnịrị Ijekọvụ hẹkẹ o re nị.

Imatiwu 17:6

Ịjị ezirẹma anị wụ́, ệ và eyi ku ẹtẹ, angwa ô hí wa ẹtẹẹtẹrẹ.

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Imatiwu 22:46

Ẹ yị nyị ọza ene zụ tụ́ ọọ ohi ịrẹyị ikonya. Hụrẹ ịhị ọnọọ, ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Odeyi 3:13

Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị.

Odeyi 7:31

Ịjị Imosiisi re e, ô hí oo irenu, di o tere pe e ka oni ò re e ẹtẹẹrẹ nị. Dị ọ wụ́ ka Ohomorihi Ananyị yị ộ kà ịrẹyị ka:

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.