Odeyi 7:30 - IWE ỌNỊNỊ

³⁰ “Ị́rayị ẹbẹẹva mẹ̀ sị mẹ kwooze, dị anggẹẹrị Ohomorihi sị ẹngụ zụ̀ Imosiisi ịnị ụnọmị ịnị ataba Ịsịnayị ini oze ịra ana aa rị ịnị ọchị ọnya aanị.

Odeyi 7:30 ပူးပေါင်းရင်းမြစ်များ

1 Ohinọyị 19:8

Ịzẹyịza di Erija kwẹẹtẹ dị ọ rẹ rị ịsa, di o re hú enyi nị. Ịsa ọnị ọ vavọọ rị avọọ ộ sị ụkata yọ ka ọ̀ zụ zị ụsẹ mẹ ẹkụhị ẹbẹẹva ọọdụ ọnịrị ịrahụ, pooro dọ ọ va na ngụ ịnị ataba Ohomorihi ana aā hị́ Ịhọrẹbị.

Ahẹ Ụgama 66:12

Wâ zẹẹ ka ọnịvị ayị ẹ̀ za yị, dị ẹ̀ mẹ̀ yị sẹkẹ-sẹkẹ. Ẹ yị nyị ụya ọnị yẹ̀ yị sị rị; ama wa vị va raà sị yị va ngụ ịzị ị yà dị ẹngụ ayị ee hunẹnẹ.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ọyịkụra 7:7

Imosiisi vị ịrayị ẹbẹẹna di Eerọnị ọnị vị ịrayị ẹbẹẹna tụra ẹẹta dị ẹ vavọọ va na kà ịrẹyị yị Ihwarawo.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ịdanịyẹrị 3:27

Ịjị ẹ sị jịnẹ vẹ dị avaba ẹnị ohinọyị nịnị, Ịgọvọnọ nịnị, atụra Ịgọvọnọ nịnị ọnịrị ẹnịnị ọdọvịdị anụkọrọ ohinọyị ana vọ kụ ẹngụ gụ dị e re ọnọrụ ẹyịta ẹnẹnị nị. Ẹnịnị ê re ka ẹyị ẹnịnị ẹ hyakụ rịra, ịta ẹnịnị ẹ yị rịra, dị ẹnịnị ẹ yị hyakụ dagụ areyi bẹẹ nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịmaakị 12:26

Àa vị ka áá vaa ha oku nịnị hụụnị isu yọ, aanị ka wẹẹ̀ yị kà iwe Imosiisi nịnị da, Óhomorihi mẹ̀ kà a yị Imosiisi ịzị ọchị yà aa rị ịra ka: ‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’

Iruuku 20:37

Imosiisi nyẹmba, ộ hyakụ sị zụ̀ ka oku nịnị vaa ha hụụnị isu ini oze ịrẹyị ọnọọ kà ịzị avị yà aa rị ịra; ộ hị́ Ananyị yị ‘Ohomorihi Abụrahamị ọnịrị Ohomorihi Ayiziiki beri Ohomorihi Ijekọvụ.’

Odeyi 7:17

“Ộ da kù, ụmẹ maa gụrị ẹtẹ oni Ohomorihi aà vaa sị mẹ oto oni o wo yị Abụrahamị, dị anda ayị ene hi Ijipiti sị rụrụ hu avọọ nị.

Odeyi 7:31

Ịjị Imosiisi re e, ô hí oo irenu, di o tere pe e ka oni ò re e ẹtẹẹrẹ nị. Dị ọ wụ́ ka Ohomorihi Ananyị yị ộ kà ịrẹyị ka:

Odeyi 7:32

‘Ẹma vị Ohomorihi ohiku awụ nị, Ohomorihi Abụrahamị, Ohomorihi Ayiziiki ọnịrị Ohomorihi Ijekọvụ.’ Dị Imosiisi aa bànyị, ángwa mèe hí ọọ nị. Ọ yị nyayịnẹ kụ̀rà eyi tụ́ ẹba.

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.

Anigaratiya 4:25

Ihaga vị ana jẹẹ yị ataba Ịsịnayị ana yà ẹtẹ Arebiya. Avọọ ọ mẹ̀ rẹ jẹẹ yị Ijerusarẹmị ịnị ụmẹ ọnọnị nị, agụvị ka a rẹ sị Ijerusarẹmị za ọrịhị beri aza anị.

Iwe Ọhụhị Imosiisi ana aa hị́ Ọyịvatụrọda 33:16

Ẹtẹ ẹnịị o hi yị avaba ẹtụtụ ozozoza. Ẹnẹyịmavara ana sị ẹngụ zụ ịnị avị anaa rị ịra ịhị ọnọọ. Ọ va mẹ̀ ka o zee yị wa. Ezi ẹnẹnị o vee tu ezi Ijosẹẹhụ agụvị ka Ijosẹẹhụ ọ vị ọdọvịdị ịnị ẹyịnyara anị nị.

Iwe Ọhụhị Imosiisi ana aa hị́ Ọyịvatụrọda 4:20

Ama Ẹnẹyịmavara vị ana dọ ẹnịnị ha hụrị Ijipiti ana sị mẹ anka ịra avọọ. Ọ kụ wụ nịnị jịnẹ hụụ ịzọọ ka ẹnịnị ẹ vị aza anị anka ẹ mẹ ya ajịnị aanị.