Odeyi 6:12 - IWE ỌNỊNỊ

¹² Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.

Odeyi 6:12 ပူးပေါင်းရင်းမြစ်များ

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Imatiwu 26:57

Aza ana za Ijeesu, ệ sị ọ nọ ịdị Ịkayapa ana vị ohirẹsụ ọbanyị irehi Ohomorihi. Ọzwọzọda nịnị ọnịrị ọdọvịdị nịnị ẹ sị wara gụ ịzọọ.

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Iruuku 20:1

Ẹkụhị ọnya, Íjeesu màa zụ̀ aza ịsa ini irehi Ohomorihi, dị aa kà enube ọyịzaa yị wa nị. Ohirẹsụ ẹbanyị irehi Ohomorihi ọnịrị ọzwọzọda nịnị beri ọdọvịdị nịnị ê ve tù,

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 21:27

Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 5:27

A mẹ̀ raà za odeyi nịnị vẹ, dị a kụ́ wa nọ ọvịdị anikootu nịnị nị. Dị ohirẹsụ ọbanyị irehi Ohomorihi họ̀ wa ka:

Odeyi 6:11

Dị ẹ sị ẹkẹhị ne chire aza ẹnyị irenu ka ẹ̀ kà a ka ẹnị ệ wụ́ ka Isitivini ộ kụ̀ Imosiisi ọnịrị Ohomorihi ụhụ.