Odeyi 6:11 - IWE ỌNỊNỊ

¹¹ Dị ẹ sị ẹkẹhị ne chire aza ẹnyị irenu ka ẹ̀ kà a ka ẹnị ệ wụ́ ka Isitivini ộ kụ̀ Imosiisi ọnịrị Ohomorihi ụhụ.

Odeyi 6:11 ပူးပေါင်းရင်းမြစ်များ

Ọyịkụra 23:1

Asị ụ na gana ịrẹyị ireche hị́ ẹtẹ. Ọza ọ̀ọ mẹ̀ ịsa odivi, asị ụ na dọ ivenu ireche ka wa sị gụ ọ ụvọ.

Ijeremaya 26:11

Ẹ sị yaatụ kẹnẹ, dị ẹnị ohirẹsụ irehi Ohomorihi ẹnịrị ọnịsẹ nịnị kà a yị ọdọvịdị ẹnẹnị ẹnịrị avaba aza ka: Aa nyị ka à mẹ̀ ọkarẹyị isu yị ọnị agụvị ịrẹyị ọnị ọ sị irenu anị kà hị́ Ijerusarẹmị nị. Ẹ ka ọzọza ộ wụ ọnị mẹ kà a.

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ireevi 24:16

Ọza ana àa ka kẹnẹ-kẹnẹ chire ịrẹha Ẹnẹyịmavara vị ana á vaa wụ̀; avaba ịragụ ẹ̀ kụ̀ ọ ịrẹta. Àa vị ọzọga, àa vị ozi ẹtẹ ọ kà kẹnẹ-kẹnẹ chire ịrẹha Ẹnẹyịmavara nị, à wụ̀ ọ.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 9:29

Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.”

Odeyi 15:21

Agụvị ka o si kù ana a hụrẹ aa kà ọda Imosiisi ini irehi Ohomorihi, dị aa kà ịrẹyị anị avaba ẹkụra ịnị ẹkụhị ụhwọtụ-ẹkụhị ụhwọtụ nị.”

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

Odeyi 25:7

Ịjị Ịpọọrụ vẹ, dị Aniju ana hụrẹ Ijerusarẹmị chí vẹ jẹẹ karaa nị. Ẹ ka Ịpọọrụ ộ mẹ̀ ịsa edivi-edivi irenyi-renyi. Ama ẹnịnị ẹ yị zụ sị zụ̀ ka ịzẹyịza ẹ́nị aa kà nị.

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Odeyi 6:12

Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Aniroomi 3:8

A vị ị kụkụ vaa kà a ka: À vẹ yaa mẹ̀ ịsa odivi, dị ọyịza ọ̀ zụ hụụnị anị vẹẹ? Â hyakụ nyị aza ene ee du mi ka máa vavọọ kà. A vaa jị ịvị ana vọrọọ yị wa.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.