Odeyi 6:10 - IWE ỌNỊNỊ

¹⁰ Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Odeyi 6:10 ပူးပေါင်းရင်းမြစ်များ

Ijoovu 32:18

Agụvị ka ịrẹyị vị ene hí mi ịnẹ booro aanị, mẹ yị zụ za a ka mẹ yị kà a.

Ijoovu 32:8

Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị.

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ijeremaya 15:20

Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị.

Ezikẹẹrị 3:27

Ama ịjị ọnị Ẹnẹyịmavara ọ̀ọ rẹ ka ọnị aa tụ ọnị ụtụ, ọnị rẹ vaa sị ụkata yị ọnị ka ọnị ọọ ká ịrẹyị. Ọ kà, ọnị Ezikẹẹrị va na kà a yị Anisirẹrị nịnị ka ịsị ọnị Ẹnẹyịmavara kà yị avaba ụkata aa kà yị wa. Ọza anaa ka ọnị aa wụ́, ọ̀ wụ́, ọza anaa ka ọnị ẹ́ yị wụ́, asị ọ́ wụ; agụvị ka ẹnịnị vanaā kụ̀ụ hịrẹ ọza.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ịjọọnụ 7:46

Dị iporisi ẹnẹẹ ka, “Ẹẹ̀ yị nyị ọza ana maanị kà ịrẹyị anka ọnọrụ ọnọọ da o.”

Odeyi 5:39

Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Odeyi 6:11

Dị ẹ sị ẹkẹhị ne chire aza ẹnyị irenu ka ẹ̀ kà a ka ẹnị ệ wụ́ ka Isitivini ộ kụ̀ Imosiisi ọnịrị Ohomorihi ụhụ.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

1 Anịkọrịntị 2:4

M màa kà ịrẹyị dị maa kà enube ọyịza, mẹyị sị ịrẹyọyẹ ọza kụ́ irenu hwere-hwere. Ama Ụhwẹ Ọnịnị ọ́ọ sị ụkata anị zụ̀ wụ nịnị ịnị ịrẹyị ọnị maa kà.