Odeyi 5:36 - IWE ỌNỊNỊ

³⁶ Dị ụmẹ ọnọnị ve tù, Itewudasi ộ vẹ, ka â nyị ịsa ọ́nị vị. Ẹhụụ aza ẹnị akava avọọ (400) ệ saasa a. Â wụ ọ, dị avaba aza ana ka ẹnị vị ezirẹma anị gara hi, dị ịrẹyị anị ta kẹnẹ nị.

Odeyi 5:36 ပူးပေါင်းရင်းမြစ်များ

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 24:26

Agụvị avọọ, ọza ọ̀ọ kà a wụ nịnị ka: ‘Re, Ikirisiti ọ yà ịnị ụnọmị avọọ nị’, asị ụ nọ ịzọọ nịnị! Ẹ̀ẹ rẹ kà a ka: ‘Ọ yà ini aku ịzọsọọ’, asị ụ dọ ọ wụ́ nịnị!

Imatiwu 24:5

Aza ẹnyị vaa rị ịrẹha amị, dị ẹ vẹ dị ẹ ka ẹnị ẹ vị Ikirisiti nị, dị ẹnịnị vene aza ọrụrụ-ọrụrụ.

Odeyi 21:38

Ọnọọ vị ka ayị vị ẹwa vị Anijipiti ọnọọ ana kụ́ ẹvazi ngụ ịnị ẹkụra ịnị ụmẹ ọnya? Ọnọrụ ọnọọ ộ kụ́ ọwọza ẹnị akawụ-akawụ oze ẹẹva (4,000), dị ẹ na ngụ ịnị ụnọmị nị.”

Odeyi 5:35

Dị ọ kà a yị anikootu ka, “Ẹwụ nịnị Anisirẹrị, sị eyi pe ẹngụ awụ nịnị ini ịsị u wee sì ka wa mẹ aza ẹnẹnị nịnị aanị o!

Odeyi 8:9

Ịnị ẹkụra ọnọọ â nyị ọnọrụ ọnya aanị, ana aā hị́ Ịsayịmọnị. Ọnịvọpa ọ vị nị. Aa mẹ̀ ụkọrọ ịvọpa ene hí Anịsamarịya nịnị irenu. Dị ọnị rẹ ka ọza ọkụmị-ọkụmị ọ́nị vị nị.

Anigaratiya 2:6

Àa vị aza ana a ka ẹ́ẹ vị ọdọvịdịị yọ, ẹ yị nyị ịsa ọwọọwa ẹnẹ ẹ kà mị. Àa vị ẹmịị yọ, ẹ yị nyị ịzị ịrẹyị ọdọvịdị ẹnẹẹ gẹ mị agụvị ka avaba ọza vị ẹbẹẹbẹ ini eyi Ohomorihi.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 2:2

Aza ọrụrụ-ọrụrụ vaa saasa ebira kẹnẹ-kẹnẹ ẹnịnị, dị ẹ mẹ ka aza ẹ̀ẹ kà ịrẹyị odivi oze ịzẹyịza Ohomorihi.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

Ẹtore 17:3

Ụhwẹ Ọnịnị ọ́ọ dọ avaba ayị amị, dị anggẹẹrị ọnọọ sị mị nọ ịnị ụnọmị nị. Di mi re ọnẹẹ ọnya aanị ana yaayịtẹ ị́rẹsụ uye ovivi ọnya aanị nị. Dị a chẹrẹ ịrẹha edivi-edivi hi ọọ avaba ẹngụ nị. Uye ọnọọ ọ́ọ nyị ịrẹsụ ịhịmba, dị ọ nyị ọpanyị ẹẹwụ nị.

Ẹtore 17:5

Dị a chẹrẹ ịrẹha ọnya tụ́ ini ibe anị oni iruvo anị nyịnẹ ka, “Ịbabịrọnị ọbanyị, ọnyị ọsẹrẹka nịnị ọnịrị ohiku aza ene ee du ẹhẹ.”