Odeyi 5:33 - IWE ỌNỊNỊ

³³ Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.

Odeyi 5:33 ပူးပေါင်းရင်းမြစ်များ

Imatiwu 1:19

Ijosẹẹhụ ọva anị vị ọnịrẹyịzẹyịza, o yi sì ka ọnị ọ̀ mẹ̀ ụhị nyị ọ eyi ịnọyị-ịnọyị; dị ó rò o ka ọnị ee weree yi ọ tịtẹ nị.

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Iruuku 20:19

Ohirẹsụ ẹbanyị irehi Ohomorihi ọnịrị ọzwọzọda nịnị ê sì ka ẹnị è za Ijeesu ịzị ịzọọ, agụvị ka ịrẹyị ẹnịnị Íjeesu si che ụhịrẹyị ọnọọ nị. Ama angwa aza ee hí wa.

Iruuku 6:11

Dị ayị aa kụ́ aza ẹnẹẹ ẹtẹẹtẹrẹ nị, dị ẹyaa kà a yị ẹngụ ka sị ẹnị vaa mẹ Ijeesu nị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Odeyi 2:37

Aza ẹnẹnị mẹ̀ wụ́ ịrẹyị ẹnẹnị, ayị ẹnịnị ẹ sị sụ̀ enyi. Dị ẹ kà a yị Ipita ọnịrị odeyi nịnị ana vọ, dị ẹ ka, “Ẹwụ nịnị ẹyịnyara amị, sị a vọrọ ka ya mẹ?”

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Odeyi 7:54

Ịjị anikootu maanị wụ́ ịrẹyị ẹnẹnị, ayị ẹnẹnị ọ sị tụ̀, dị ẹyaa rị anyịị hi ọọ nị.

Odeyi 9:23

Ịjị ọ sị mẹ ẹkụhị chee para hu, dị Aniju nịnị gẹ eyi ka ẹnị ẹ̀ wụ ọ nị.