Odeyi 5:31 - IWE ỌNỊNỊ

³¹ Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

Odeyi 5:31 ပူးပေါင်းရင်းမြစ်များ

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ahẹ Ụgama 89:24

Ụ rẹ ka ụ vee sì ịrẹyị anị dị ụụ sị ayị yọ. Dị ụ rẹ mẹ ka ọ̀ nyị ẹbẹẹba ọnịvị anị.

Ayịsaya 43:11

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

Ayịsaya 43:3

Ẹma vị Ẹnẹyịmavara homorihi awụ nị. Ẹma vị Ọza Ọnịnị Anisirẹrị ana dọ wụ ha nị. Mâ sị Anijipiti nịnị si ụta awụ nịnị. Anetiyopiya ọnịrị Aniseba nịnị mị sị vara wụ nịnị ụvị dị ụ wa yàra nịnị nị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ayịsaya 49:26

Ẹnẹyịmavara kà ọnị vaa mẹ aza ana mẹ ẹvaya yị wa ẹẹ wụ̀ ẹngụ ha, dị anya aza ọnị ẹ yaa wụ̀ ọọ mẹrị wa anka eche avọọ. Ịjọnọọ anẹhẹ nịnị vaa yẹ ka Ẹnẹyịmavara ana dọ aza anị ha vị Ohomorihi ana nyị ụkata ẹnẹmẹhị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ezikẹẹrị 17:24

Avaba ọchị ene hi ẹtẹ Isirẹrị vaa yẹ ka ọnị ọ vị Ẹnẹyịmavara nị. Ọnị ọọ̄ dị ọchị ana gọdọ nyẹtẹ, dị ọnị mẹ ka ọchị ene weyi ọọ gọdọ nị. Ọnị ọọ̄ mẹ̀ ka ọchị ohwoohu nịnị ẹ wụ, dị ọnị mẹ ka ọchị ana sị wụ ọ̀ vara ohwoohu nị. Ọ kà ọnị Ẹnẹyịmavara ọ sị ọ ka. Ịsị ọnị ka ọnị vaa mẹ, vị ọnị ọnị vaa yịị mẹ.

Ezikẹẹrị 34:24

Ẹnẹyịmavara kà ọnị ọ sị ọ ka, ọnị vaa vị Ohomorihi ẹnịnị, dị ọza ịnyara vị ohinọyị ẹnịnị anka ozi ahụ anị Idevidi avọọ.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ịdanịyẹrị 10:21

Ama Ịpaapa da, ọnị vaa kà a yị ọnị, ịsa a chẹrẹ tụ ịnị iwe ịrẹyịzẹyịza ọnọnị. Ẹ yị nyị ọza ana gụ ọnị ụvọ ịnị ịrẹyị ọnịrị anggẹẹrị ẹyịva ẹnẹnị, ẹ̀yị vị Ịmayịkẹẹrị kẹnẹ, ana vị anggẹẹrị ana sị eyi pe ọnị.

Ịdanịyẹrị 9:25

Ộ ka agụvị avọọ ọnị ọ yẹ́ ọsọnị ọ vaa mẹ ịrayị ẹtarẹwụ oze ịhịmba hụrị ụmẹ ọnị Ohomorihi sị mẹ ọda ka ene tenyi Ijerusarẹmị dà aanị pooro ne tu ka ọdọvịdị ọnị Ohomorihi nyị ọ vẹ. A vaa sị ịrayị ẹbẹẹta tụra ẹẹva oze ịhịmba tenyi Ijerusarẹmị dà. Dị aa tu oze hi ọ, dị a rẹ jị ọvọ kara a. Ama aza Ohomorihi vaa rị ụya o.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịmaakị 2:10

Ama mee sì ka wa yẹ nịnị ka ẹmị Ozi ọza onigirima ộ nyị ụkata ọyịvagu ọza ịnị ịvị anị ịnị ẹhẹ ọnọnị. Dị ọ kà a yị oswẹngụ ọnọọ ka:

Ịmaakị 4:12

agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ yẹ ịsị ẹyaa wụ́, agụvị asị e ro ịnẹ varẹma, dị Ohomorihi ọ̀ va na vagu wa ịnị ịvị ẹnịnị.”

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 13:23

Ọnya ini ezi Idevidi Óhomorihi sị mẹ ọdọzaha, dị ọ sị ọọ va yị Anisirẹrị, anka ọ mẹ̀ vịdị kà a tịtẹ nị. Ọdọzaha ọnọọ ọ vị Ijeesu nị.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:11

Ijeesu Íwe Ohomorihi kà ịrẹyị ini oze anị nị, ka ‘Ịrẹta ẹnẹ ẹwụ nịnị ọtụrarehi yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’

2 Anịkọrịntị 2:10

Ọza ọnị ụ wàa vagu ịnị ịsa odivi ọnị ọ mẹ nịnị, ẹma rẹ sị vagu ọza ọnọọ. Àa nyị ka ma vagu ọza, dị mị vagu ọọ nị, agụvị awụ nịnị mị vavọọ sị mẹ ọ́vịdị Ikirisiti nị.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anihwiripi 3:20

Àa vị ẹyị yọ, eehi ayị yà ẹbẹẹba. Yee zí ka Ijeesu Ikirisiti Ananyị yị ọ̀ và hụụ ịzọọ vẹ.

Anikorasi 1:14

Ozi anị ọnọọ ọ hị́ yị varẹma, dị ọ rẹ vagu yị ịnị ịvị ayị nị.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

Ịtayịtọsị 2:10

Kàa ka asị e yi ọga ẹnịnị oyi, ama ẹ̀ẹ sịị zụ̀ ka ẹnị ẹ́ẹ nyị ịzẹyịza ịnị avaba ịsa! Ẹ̀ẹ vavọọ aa mẹ, ẹ vaa mẹ ka ịrẹyị Ohomorihi Ọdọzaha ayị ọ̀ zụ zé aza eyi ini oze tụra oze.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.