Odeyi 5:19 - IWE ỌNỊNỊ

¹⁹ Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Odeyi 5:19 ပူးပေါင်းရင်းမြစ်များ

Ahẹ Ụgama 146:7

Ọnị ọọ̄ vụ̀ ịrẹvụụ yị aza ana aza aa mẹ ehunaa yị nị. Ọnị ọ rẹẹ sị ịsọyịrịị yị ọza ọnị ụngwẹ aa kụ̀ nị. Ọnị ọọ̄ hụrẹ aza ana a za hi ịnị ẹngwa nị.

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 1:24

Ịjọnọọ dị Ijosẹẹhụ sị ha hụụnị ara, dị ọ mẹ anka anggẹẹrị Ohomorihi ọnọọ mẹ̀ mẹ ọdaa yọ nị, dị ọ nyị ose anị nị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 28:2

Re, dị ẹtẹ henyi jigi-jigi nị. Anggẹẹrị Ananyị yị ọnya ô chí hụrẹ ẹbẹẹba vẹ, di o ve zina ịrẹta ene gù ụsị ọnọọ irenu kwooze, dị ọ yaayịtẹ tụ́ ịrẹsụ anị nị.

Iruuku 1:11

Dị anggẹẹrị Ohomorihi sị ẹngụ zụ̀ ọọ ịzọọ nị. Dị anggẹẹrị ọnọọ jẹẹ eyi ụvọrị ụta ịzị a yàā rị eturare ịra nị.

Iruuku 2:9

Dị anggẹẹrị Ohomorihi vana hụrẹ hi wa nị; dị igirima Ohomorihi aa zẹtẹẹ kara wa nị. Dị angwa ee hí wa ẹtẹẹtẹrẹ nị.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 16:26

Kẹnẹ, dị ẹtẹ vene henyi jigi-jigi, dị avaba irehi ẹngwa na ngụ ịzị a kà ẹtẹ hụrẹ henyi jigi-jigi nị. Obooboro dị avaba oze na hi ẹtẹ, dị ịchẹkẹchẹkẹ anịnẹngwa nịnị hụrẹ và hi ẹtẹ pẹrẹ-pẹrẹ nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Odeyi 8:26

Anggẹẹrị Ohomorihi o ve tù Ihwiripi, dị ọ kà a yọ ka, “Kwẹẹtẹ, dị ụ wa nọ eyi ụvẹtẹ na zị oze ene chí hụrẹ Ijerusarẹmị na ngụ Igaza!” Ịnị ụnọmị ịzọọ vị nị.