Odeyi 5:18 - IWE ỌNỊNỊ

¹⁸ Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 5:18 ပူးပေါင်းရင်းမြစ်များ

Ijeremaya 37:15

Ijeremaya ka ịjị ọdọvịdị ẹnẹnị re ọnị kẹnẹ, di ayị ẹnịnị aa da ọva hụtụ-hụtụ nị. Dị ẹnịnị ka è tụ́ ọnị, dị é gu oze hi ọnị tụ ịnị irehi ọnọrụ ana aā hi Ijonatani nị. Ijonatani ọnọnị ọọ chẹrẹ ịsa yị ikootu ẹnịnị nị. Dị a hi ka irehi anị a kụkụ sị mẹ ẹngwa nị.

Imatiwu 4:12

Íjeesu mẹ̀ wụ́ ka a sị Ịjọọnụ za tụ́ ịnị ẹngwa, dị ọ tangwa nọ Igariri nị.

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Odeyi 4:3

Dị ẹ za wa, dị ẹ kụ́ wa ne hi ini otumare, ka ẹ̀ yà ịzọọ ne tù eyinẹhẹ anị nị, agụvị ka ọyị ộ ta.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

2 Anịkọrịntị 11:23

Ezi ahụ Ikirisiti ẹ ẹ́ẹ́ va vị nị? Mị vaa kà ụra, ẹ ma hyakụ vị ozi ahụ ozoza huna wa nị. Ẹma mẹ̀ ụkọrọ hu wa nị; ẹma rẹ nọ ịnị ẹngwa hu wa nị. Mâ dọ ịjapa huna wa, ẹmị isu rẹ jị ọ avọ eyi nyee hu nị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.