Odeyi 5:17 - IWE ỌNỊNỊ

¹⁷ Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Odeyi 5:17 ပူးပေါင်းရင်းမြစ်များ

Ijoovu 5:2

Ọyịha ọnịrị ụhị ọyịkụ ọ vaa wụ̀ ọnụra nị.

Ụhịrẹyị 14:30

Ayọnẹtẹ vị anaā sịị ẹngwọọrọ yị ọza ama ọza anaā kụ ụhị ẹ mā nyị ẹngwọọrọ.

Ụhịrẹyị 27:4

Ọza anaā kụ ayị óo divi, ama ọza anaā kụ́ ụhị o divi hu nị.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Imatiwu 27:18

Ộ yẹ ka agụvị ayamịkụ ẹ sị za Ijeesu chire ọnị ụvọ nị.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Ịjọọnụ 12:10

Dị ohirẹsụ ẹbanyị irehi Ohomorihi gẹ eyi ka a rẹ wụ Ịrasarụsị bẹẹ nị.

Ịjọọnụ 12:19

Dị Anihwarisi nịnị ka, “Ẹ yị nyị ịsị ụ zụ mẹ nịnị vụrụ-vụrụ, o. Wee re, avaba ẹhẹ ọ sị saasa a!”

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Odeyi 4:26

Ohinọyị anẹhẹ ẹ sị ẹngụ tenyi, ohirẹsụ aza nịnị ẹ sị ẹngụ kụ́ gụ agụvị Ohomorihi ọnịrị Ikirisiti anị.

Odeyi 4:6

Aza ẹnẹnị re hi ịzọọ: Ihanasi ohirẹsụ ọbanyị irehi Ohomorihi, beri Ikayahwasi ọnịrị Ịjọọnụ ne beri Arẹkịsanda ọnịrị aza ana vọ ana vị anda ohirẹsụ ọbanyị irehi Ohomorihi.

Odeyi 5:16

Dị ọkọnị aza hara hụrẹ okokooro Ijerusarẹmị vẹ, dị ẹnị rẹ kụ́ ọnịkụ ẹnịnị ọnịrị aza ana nyị ụhwẹ echu vẹ nị. Dị a mẹ avaba ẹnịnị ụkụ saka-saka nị.

Odeyi 7:9

“Ada ayị nịnị ê pe Ijosẹẹhụ kụ̀ ụhị, dị ẹ ná a ọrịhị nọ Ijipiti nị. Ama Ohomorihi ộ yà beri ọ,

Anigaratiya 5:21

dị ẹyaa kụ̀ ụhị, dị eyee hú eche dị aa mẹrị wa; dị ẹ rẹ yaa rị eche pooro kẹnẹ; dị ẹ rẹ yaa mẹ ẹngụ ịsa ẹnẹẹ ana vọ. Maa kà a wụ nịnị booro aanị, anka m mẹ̀ rẹ vịdị kà a wụ nịnị, ka aza ana àa mẹ ẹngụ ịsa ẹnẹẹ, ẹyị va ngụ ịzị Ohomorihi yà aa mẹ ịjọva.

Ijemiisi 4:5

U wéé ro ka ịrẹyị kẹnẹ-kẹnẹ Iwe Ohomorihi aa kà nị, ịjị ọ kà a ka: Ụhwẹ Ọnịnị oni Ohomorihi sị tụ́ ịnị ayị awụ nịnị vị anaā kụ̀ ụhị?

1Ipita 2:1

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.