Odeyi 5:14 - IWE ỌNỊNỊ

¹⁴ Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 5:14 ပူးပေါင်းရင်းမြစ်များ

2 Ịsamụwẹrị 6:19

Di Idevidi gà ịsọyịrị yị avaba ọkọnị aza ẹnẹẹ nị. Ọnọrụ ọnịrị anẹẹ vị ọnị ọ gà ịsa yị. Ịbụrẹẹdị ọnịrị akara ana a sị ẹtụtụ ịvayịnị jị ne beri Ịbụrẹẹdị ana a sị ẹtụtụ agịga tụ́ ịnị anị ọ vavọọ gà yị wa nị. Ịjị ẹ sị mẹ ta, dị ọzọza aa nọ eehi anị nị.

Ẹzịra 10:1

Ẹzịra mẹ̀ vavọọ yi ku ẹtẹ aa mẹ̀ aduwa ọvịdị irehi Ohomorihi, dị aa jị òrèrè, dị aa kụ ẹngụ anịị nya ẹtẹ nị. Aa dọ irenu ịvị ẹnẹnị dị ọkọnị Anisirẹrị, anọrụ, anẹẹ, ẹnịrị ezweyi va gụ kara a nị. Aza ẹnẹẹ nyẹmba vị ana raa jị òrèrè ọngwọọngụ.

Inehemaya 8:2

Ịhị ẹ tụ ọ ẹkụhị ịpaapa ịnị ụhwẹ ịhịmba ịrayị dị aza kụ ẹngụ gụ nị, anọrụ ọnịrị anẹẹ ana sị hụ ọ wụ́ ịrẹyị. Dị Ẹzịra ana vị ohirẹsụ irehi Ohomorihi sị iwe ọda ọnọọ vẹ ọvịdị ịragụ nị.

Ọyịkụra 35:22

Avaba aza ene sì, ọnọrụ ọnịrị anẹẹ vị ana kụ́ ịsa ọvị irenyi-irenyi ana a sị igooru mẹ vẹ, ẹhụụ arị, ochirụtọ, ochirigege ọnịrị ịsa ọbẹ. Avọọ ẹnịnị mẹ̀ kụ́ wa vẹ dị ẹ sị va yị Ẹnẹyịmavara nị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Odeyi 11:24

Ịbanabasị vị ọza ọyịza. Ụhwẹ Ọnịnị ộ dọ avaba ayị anị, dị ọ rẹ sị ayị tụra Ohomorihi ẹtẹẹtẹrẹ nị. Ohomorihi ộ kụ́ aza ọrụrụ-ọrụrụ va yị ẹngụ anị.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 22:4

Mâ sị ụya rị aza ana zị oze Ikirisiti ọnọnị ne tù ka mâ hyakụ wụ̀ wa bẹẹ. Mâ za aza, anọrụ ọnịrị anẹẹ, dị maa tụ́ waa orupa, dị maa kụ́ waa hi ịnị ẹngwa nị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 8:12

Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 9:35

Avaba aza ana ra hi Irida ọnịrị Ịsarọnị ê re e, dị ẹ và ká Ananyị yị vẹ nị.

Odeyi 9:42

Ịrẹyị ọnọnị ộ ngụ ịrẹyị ngụ Ịjọpa zịịzị, dị aza ọrụrụ-ọrụrụ sị ayị tụra Ananyị yị nị.

2 Anịkọrịntị 6:15

Ikirisiti ọnịrị Echu ẹ́ẹ́ zụ sị ayị yị ẹngụ? Sị ẹ zụ kụ́ ọdọwụ ọnịrị ọza ọnịrị ọza ẹnẹ ẹ̀ yị dọ wụ́ vabẹ?

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.