Odeyi 4:32 - IWE ỌNỊNỊ

³² Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Odeyi 4:32 ပူးပေါင်းရင်းမြစ်များ

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ịjọọnụ 17:11

Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 5:12

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Aniroomi 12:5

Avọọ gẹdẹ-gẹdẹ ẹ́yị mẹ̀ rẹ yà nị. Yâ rụrụ ịzẹyịza, ama ẹngụ ikonya ị vị nị, agụvị ka ẹyịrị Ikirisiti ọ sị vị ọnya. Avaba ayị vị ana gẹ ẹngụ, anka avaba ọchẹngụ ọza mẹ̀ gẹ ẹngụ avọọ.

1 Anịkọrịntị 1:10

Ẹwụ nịnị ẹyịnyara amị, máa sị ịrẹha Ijeesu Ikirisiti Ananyị yị dá ịpẹ wụ nịnị ka wa sị ịnẹ yị ẹngụ nịnị. Asị ụ zẹẹ ka ẹhahi ọ̀ ngụ ịnị akakana awụ nịnị! Và ụvọ bẹ ẹtẹẹtẹrẹ nịnị, dụ wa nyị ayị ọnya nịnị, dụ wa rẹ nyị ariro ọnya nịnị!

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.