Odeyi 4:29 - IWE ỌNỊNỊ

²⁹ Ananyị yị, wee re, e mèe chire yi angwa. Aarịhịnị, sị ọtụtụrụma yị ezi ahụ awụ ẹtẹẹtẹrẹ ka ẹ̀ zụụ kà ịrẹyị awụ!

Odeyi 4:29 ပူးပေါင်းရင်းမြစ်များ

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Arụwẹ 3:50

Ẹ yị vị ịhị Ẹnẹyịmavara ọ̀ọ kana eyi hụrị ẹbẹẹba chi vẹ dị o re yị.

Arụwẹ 5:1

Ẹnẹyịmavara kwogwo asị ụ hi ayị ịsị e tu ẹnị aanị. Navọ wạ kana eyi dị we re ụhị ana a mẹ̀ nyị yị aanị o.

Ezikẹẹrị 2:6

Ẹnẹyịmavara kà, ama, ọnị ozi-ọza, asị ọnị hí angwa ẹnịnị o. A sị ọnị hí angwa ịsa tụra ịsa ọnị ẹẹ ka ẹnịị kà. Ọ kà ẹnịnị vaa sị eyii wụ̀ ọnị, dị ẹnịnị ẹ yị sị ụbanyị yị ọnị; vị́ ọ́ vaa sị mẹẹ anka ọza oo rere ra ịnị akakana iku nịnị avọọ nị. Asị ọnị hí angwa aza ẹnẹẹ anaa kụ̀ụ hịrẹ ọza avọọ. Asị ọnị hí angwa ịsa tụra ịsa ẹẹ ka ẹnịị ka.

Ịdanịyẹrị 9:18

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 26:26

Ohinọyị ộ yẹ avaba ịsa ẹnẹnị, agụvị avọọ ma zụ sị ọtụtụrụma kà a yọ. Mâ yẹ kaakara ka ẹ yị nyị ana tẹẹ yọ ịnị anị; agụvị ka ẹ yị nyị enee were mẹ ịnị avaba anị.

Odeyi 28:31

Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 9:27

Dị Ịbanabasị va sị ọọ ká odeyi nịnị na nị. Dị ọ kà a yị wa, Ị́sọọrụ meme re Ananyị yị óze, dị ọ kà ịrẹyịị yọ nị. Dị ọ rẹ kà a yị wa, Ị́sọọrụ mẹmẹ sị ọtụtụrụma kà ịrẹyị Ijeesu Ị́damasịkọsị nị.

Odeyi 9:28

Dị Ịsọọrụ yà pe wa, dị aa ngụ Ijerusarẹmị zị,

1 Anịkọrịntị 14:13

Agụvị avọọ, ọza ana aa sị ẹkụra ọsaa kà ịrẹyị, ọ̀ mẹ̀ aduwa ka ọnị ọ̀ rẹ zụụ kà iruvo anị.

2 Anịkọrịntị 3:12

Agụvị ka yaa maanị nyị ọyịtureyi ọnọnị, ọnị ọ mẹ̀ ka ya vavọọ nyị ayị dị yaa kà ịrẹyị nị.

Anihwiripi 1:14

Ịnị ẹngwa ọnị mị yà aanị, ọ raà mẹ ka anda ayị ọrụrụ-ọrụrụ e che ayị za Ananyị yị hu avọọ, dị ẹ̀ kụkụ nyị ọtụtụrụma hu avọọ, dị ẹyaa kà ịrẹyị Ohomorihi, di è yi hí angwa nị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.