Odeyi 4:20 - IWE ỌNỊNỊ

²⁰ Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Odeyi 4:20 ပူးပေါင်းရင်းမြစ်များ

2 Ịsamụwẹrị 23:2

Ọ kà; ụhwẹ Ohomorihi aa sị mị kà ịrẹyị. Ịrẹyị anị yà ịnị irenu amị.

Ijeremaya 1:7

Ama dị Ẹnẹyịmavara kà a yị ọnị ka, a sị ọnị kà a ka ọnị ọ sị vị ozweyi, agụvị ka avaba aza ọnị ọnị ọọ tụ ọnị hi ọnị vaa nọ ịdị anị nị. Ịsa tụra ịsa ọnị ọnị ọọ ka yị ọnị, ọnị vaa kà nị.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Ezikẹẹrị 3:11

Ọ kà a yị anẹkụra anị nịnị ana a za ọrịhị ve hi aha ọsa aanị ka ịsị ọnị Ohomorihi Ananyị yị kà yi o. Òo zee wa eyi ẹ̀ wụ́, òo zee wa eyi asị ẹ́ wụ.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Ịrịka 22:38

Dị Ịbaraamị tụ ọ ohi ka, ọnị ọ vẹ booro aanị, ama ọnị ọ yị nyị ụkata ọyị ka ene tu ọnị irenu kẹnẹ. Ịsị Ohomorihi ọ́ọ sị tụ ọnị irenu ọnị vaa ka nị.

Ịrịka 23:20

Ọ kà ọnị ọ ka a ka o zee yị wa. Ohomorihi ọ̀ọ ka o zee yị wa, ọnị ẹ yị zụ vara a.

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 22:15

Ẹwa vaa vị onivenu anịị yị avaba aza ini oze isu u re ọnịrị ịsụ ụ wụ́ nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 5:32

Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.”