Odeyi 4:19 - IWE ỌNỊNỊ

¹⁹ Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

Odeyi 4:19 ပူးပေါင်းရင်းမြစ်များ

1 Ohinọyị 12:30

Ịrẹyị ọnọnị ọ vana sị vara ebira odivi. Aza ẹnẹẹ kụkụ aa naa hẹkẹ ori ẹnẹẹ. Aza ẹnyị aa nọ ịda ori ana Ịbẹtẹrị dị aza ẹnyị ẹnị aa nọ ịda ori ana yà Ịdaanị nị.

1 Ohinọyị 13:19

Ịzẹyịza dị ọ saasa a nọ ịnị eehi anị, dị ọ rị ịsa ini eehi anị, di o re hú enyi nị.

1 Ohinọyị 14:16

Ọ re vee yi Anisirẹrị tịtẹ agụvị ebira oni Ijerobowami mẹ. Ọnị ọ kụ́ Anisirẹrị nyeeyi ka ẹ̀ẹ mẹ̀ ebira odivi nị.”

1 Ohinọyị 21:11

Ịzẹyịza dị ọdọvịdị ịnị ẹkụra eni eyi yẹ ana ra pè Ịnabọtị vavọọ mẹ anka Ijezebẹrị mẹ̀ tụ́ hi wa nị.

1 Ohinọyị 22:14

Di Imikaya ka, “Mâ sị Ẹnẹyịmavara hị́ eku ka ịsa tụra ịsa ẹnị Ẹnẹyịmavara ọ̀ọ kà mị kẹnẹ, mị vaa kà nị.”

2 Ohinọyị 16:15

Ahazi ộ kà a yị Uriya ka: Ụta ịsọvọ anị ọnọnị ọ gana hu nị. Ọ kà, ọ̀ kụkụụ ya ịnị anịị mẹ̀ ịsọvọ ẹnẹnẹ ana aā rị ịra, ọnịrị ịsọvọ oruva ana aā sị ịsọyịrị mẹ. Ọọ ya ịnị anịị mẹ̀ ịsọvọ ana aā rị ịra ọnịrị ịsọvọ ịsọyịrị ana aā mẹẹ yị ohinọyị ọnịrị aza. Ọọ ya ịnị anị mẹ̀ ịsọvọ ana aā sị eche mẹẹ yị aza ọ ka ọọ va avaba ịsụpa ana aa sịị mẹ ịsọvọọ hi ọ. Ama ọ̀ sị ụta ana a sị ibironzi mẹ aanị tịtẹ yị ọnị. Ịnị anị ọnị vaa yaa mẹ̀ aduwa, dị ọnị oo si iruvo ịsị Ohomorihi òo sì ka ọnị ọ̀ mẹ nị.

2 Ohinọyị 16:16

Uriya ộ mẹ̀ avaba ịsị Ahazi kà yọ aanị.

Ahẹ Ụgama 58:1

Ẹwụ nịnị aza ẹbanyị, ụ wáā kịị kà ịzẹyịza nịnị aanị? Wáá zẹẹ ka waa sị ịzẹyịzaa mẹ̀ ọkarẹyị aza?

Ọyịkụra 1:17

Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ.

Ijeremaya 26:12

Ijeremaya ka, dị ọnị kà a yị ẹnị ọdọvịdị ẹnẹnị ẹnịrị avaba aza ana vọ ka ụtụ ọnị Ẹnẹyịmavara tụ ọnị ịnị ịpa Irehi Ohomorihi ọnọnị ọnịrị ẹkụra ọnọnị, ụ wụ ka ọnị ộ kà avọọ nị.

Ịdanịyẹrị 3:18

Ama Ohomorihi ẹ yị daka dọ ẹnị ha, ohinọyị ọ̀ yẹ ka ẹnị ẹ yị vaa hẹkẹ ori anị, ẹnị ẹ yị rẹ vaa vàa ku ẹtẹ yị uyi ọnị ọ sị igooru mẹ jẹẹ aanị.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ihoseya 5:11

Anisirẹrị ệ rị ụya ana ngụ ajẹ dị a dọ wa ẹtẹ agụvị ka ê ne si ụkata hụụnị ụvọ ori nịnị ẹnẹ ẹ yị nyị ịsị ẹ vị.

Emọsị 7:16

Amaziya mẹmẹ vaa ya ịzẹnị ka asị ọnị ka ụtụ ọnị aa tụ́ ọnị hị́ Anisirẹrị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imatiwu 22:21

Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!”

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

Ịjọọnụ 7:24

Asị ụ rẹ̀ mẹ̀ ọkarẹyị eyi-eyi nịnị, waa sị ịzẹyịzaa mẹ̀ ọkarẹyị nịnị.”

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 5:29

Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza.

1 Anịkọrịntị 10:15

Mâ yẹ ka wâ yẹ ịrẹyị nịnị; ẹwụ ụvọta ọ̀ daka zama ịrẹyị ọnị maa kà aanị re!

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

Anẹhwẹsọsị 6:1

Ẹwụ nịnị ezi, waa wụ́ ịrẹyị aza na ma wụ nịnị! Ịsa ana vọrọ ini eyi Ananyị yị ọ vị ọnọọ nị.

1 Itimoti 2:3

Ẹngụ ọnọọ óo zoza, o re zé Ohomorihi Ọdọzaha ayị eyi.

Anihiburu 11:23

Aza ana ma Imosiisi ệ sị ayị tụra Ohomorihi. Ọnị ọ mẹ ka ẹ mẹ̀ sị Imosiisi ma, ẹ̀ sị ọ na tẹ̀ mẹ ụhwẹ ẹẹta nị, agụvị ka ê ree ka ozi ọnọọ ô zoza. Ẹnịnị e yi hí angwa ọda oni ohinọyị mẹ.

Ijemiisi 2:4

Wàa vavọọ aa mẹ, wee re ka we si nyima ee re aza ẹnyị eyii hu ọsa ịnị ẹngụ awụ nịnị avọọ? Yẹ ka ịsa oni u wee ro nịnị o yi zoza oo!