Odeyi 4:17 - IWE ỌNỊNỊ

¹⁷ Ama dị asị ịrẹyị ọnọnị gara hi ẹtẹ hu avọọ, à vẹ ya kà wa ọnọ ka asị ẹ rẹ̀ kà ịrẹyị ịnị ịrẹha Ijeesu ọnọnịị yị ọzọnyị-ọzọnyị.”

Odeyi 4:17 ပူးပေါင်းရင်းမြစ်များ

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Emọsị 2:12

Dị ẹnịnị aa ka aza Ẹnẹyịmavara eche, dị ẹ raa dụ ọnụtụ Ohomorihi ka asị ẹ kà etore ẹnịnị nị.

Imatiwu 27:64

Agụvị avọọ, mẹ ọda ka è ne sere ikuta ọnọọ ẹtẹẹtẹrẹ pooro dị ẹkụhị ẹẹta ọ̀ gụ, agụvị asị ezirẹma anị re oze ne yi ọọ, dị ẹ̀ẹ kà a yị aza ka vị ọ ha kwẹẹtẹ nị. Ireche ọnọọ o vee divii hu ị́ịyẹẹyẹ nị.

Imatiwu 9:30

Di eyi ẹnịnị sị há nị. Dị Ijeesu hú wa ụvọ ẹtẹẹtẹrẹ, dị ọ ka, “Asị ụ zẹẹ ka à nyị ọza ana yẹ nịnị o!”

Ịjọọnụ 15:21

Ẹ vaa mẹ avaba ịsa ẹnẹẹ hi wu nịnị, agụvị ka wâ vị áamị nịnị, ịjị ahịka ẹnịnị ẹ yị yẹ Ọza ana tụ́ mị vẹ ẹhẹ.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Odeyi 5:24

Ịjị ọga iporisi irehi Ohomorihi ọnịrị ohirẹsụ ẹbanyị irehi Ohomorihi maanị wụ́, ô hí wa irenu ka ịrẹyị ịsị aa vẹ aanị?

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Anẹhwẹsọsị 6:9

Ẹwụ nịnị ọga, ẹwụ nịnị ọ̀ rẹ vavọọ mẹẹ hi ozi ahụ awụ nịnị, ọnị ọ vị ka asị u chire wa angwa nịnị, agụvị ka wáa yẹ ka áa nyị ọza ịnya ẹ́bẹẹba ana vị ọga ẹwụrị wa; ọnị ọ mā nyị ọza remeyi.

1 Anịtẹsaronika 1:8

Oze ịnị ụvọ awụ nịnị ị́rẹyị Ananyị yị sị zị gara na ngụ Imasedoniya ọnịrị Akaya nị. Ẹ yị hyakụ vị ịzọọ kẹnẹ, ọ sị ngụ ịrẹyị avaba aha ka waa sị ayị tụra Ohomorihi nịnị. Ịjọnọọ ẹ yị kụkụ nyị ịsị a vọrọ ka ẹ yà kà.

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.