Odeyi 3:6 - IWE ỌNỊNỊ

⁶ Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 3:6 ပူးပေါင်းရင်းမြစ်များ

Imatiwu 10:9

Asị ụ za ẹkẹhị ọnyọọnyị nịnị tụ́ ịnị asụnụ awụ nịnị!

Imatiwu 7:22

Aza ọrụrụ-ọrụrụ ẹ vaa kà a mị ịhị ọnọọ nị ka: ‘Ananyị yị, Ananyị yị.’ Wẹ yị yẹ ka ịị̄ sị ịrẹha awụụ kà ịsẹẹ? Wẹ yị kụkụ yẹ ka yâ sị ịrẹha awụ dụ ụhwẹ echu jịnẹẹ?

Ịmaakị 14:8

Ịsị ọ zụ mẹ, ọ mẹ avọọ nị. Ộ va sị eturare sisi mi ẹngụ tịtẹ, di è ve ne mi.

Ịmaakị 16:17

Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị.

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Odeyi 3:16

Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.

Odeyi 3:5

Di o re wa, di ee zí ka ẹ vaa sị ịsaa yị ọnị nị.

Odeyi 3:7

Dị Ipita sị ụvọ gẹ ẹ ụvọrị, dị ọ sị ọọ kwẹẹtẹ nị. Obooboro, dị ẹchụkụ ahụ anị ọnịrị ataahụ anị sị ụkata nyị nị.

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 4:7

Dị ẹ hị́ Ipita ọnịrị Ịjọọnụ ka ẹ̀ vẹ ọ́vịdị ẹnịnị nị. Ẹ mẹ̀ vẹ, dị ẹ họ̀ wa ka, “Ịsị ụ mẹ nịnị aanị, ẹnẹ sị ụkata ọnọọ wụ nịnị? Ẹnị ụ sị ịrẹha anị mẹ̀ ẹ nịnị?”

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

1 Anịkọrịntị 4:11

Pipooro ve tù ọyaanị, ụngwẹ vị ana aa yịị kụ́ yị, dị enyi raa kụ̀ yị. Yẹ yị rẹ nyị ịta kú ẹngụ, aza vị ene ee tụ́ yi. Yẹ yị hyakụ nyị aha ana a vọrọ ka ya ra.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

1Ipita 4:10

Ohomorihi ộ sị ịsa irenyi-irenyi mẹ ọzịnya-ọzịnya awụ nịnị ẹyịza. Wa vavọọ sị ịzẹyịzaa sị ịsa oni Ohomorihi òo si chire wu nịnị ụvọọ mẹ ọgụvọọ yị ẹngụ nịnị.