Odeyi 3:25 - IWE ỌNỊNỊ

²⁵ Ozi ọnịsẹ nịnị ụ vị nịnị nị. Wâ nyị tụ́ ịnị oto oni Ohomorihi wo yi ohiku awụ nịnị. Oto ọnọọ ọ vị ka Ohomorihi ộ kà a yị Abụrahamị ka: ‘Ini oze ozi ewu mị vaa zịị mẹ ka ò zé yị avaba anẹhẹ nị.’

Odeyi 3:25 ပူးပေါင်းရင်းမြစ်များ

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

1 Ịtọpa 16:16

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

1 Ịtọpa 16:17

Ộ vana tenyi ahụ ịrẹyị ọnọọ jẹẹ yị Ijekọvụ, dị ọ mẹ̀ ẹ ọda ka Anisirẹrị nịnị ẹ̀ sị eyi pe e pooro zịna-zịna nị.

Inehemaya 9:8

Ẹ ka Ohomorihi ô re ka aa mẹ ịzẹyịzaa hi ọnị, dị o wo otoo yị ọ ka ọnị vaa sị ẹtẹ Anikenaani, Anihiti, Anamọrị, Aniperizi, Anijebusi ọnịrị Anigirigasi yị ezi anị nị. Ohomorihi ộ vavọọ mẹ̀ agụvị ka ọnịzẹyịza ọ vị nị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 96:7

Ẹwụ nịnị aza, waa sị ụbanyịị yị Ẹnẹyịmavara, dị waa kà a ọ mẹmẹ nyị ụkata nịnị.

Iruuku 1:72

Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

Aniroomi 15:8

Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ.

Aniroomi 4:13

Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị.

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

Anigaratiya 3:29

Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Ẹtore 14:6

Me re re anggẹẹrị ọsa ene ee hira ẹ́bẹẹba. Ọ́ọ nyị enube ọyịza ana yà pooro zịna-zịna ana aa naa kà a yị aza ene hi ẹhẹ, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.