Odeyi 3:22 - IWE ỌNỊNỊ

²² Imosiisi ộ vịdị kà a ka: ‘Ananyị yị Ohomorihi awụ nịnị vaa tụ́ ọnịsẹ ọnyaa hi wu nịnị, anka ọ mẹ̀ tụ́ mị, anda awụ nịnị ọ vaa vị nị. Avaba ịsị ọ̀ọ kà wụ nịnị, ụ sị ụtọ pe e nịnị.

Odeyi 3:22 ပူးပေါင်းရင်းမြစ်များ

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Iruuku 13:33

 nyị ka ma zị ụsẹ ajịnị ọnịrị ụhwọọ beri uhurenyi. Ẹ yị nyị ka à wụ ọnịsẹ aha ọsa, ẹ̀ yị vị Ijerusarẹmị.”

Iruuku 24:19

Dị Ijeesu họ̀ ọ ka, “Sẹ mẹ?” Dị ẹnịnị kà a yọ ka, “Ịrẹyị Ijeesu Anịnazarẹtị ana vị ọnịsẹ. Ohomorihi ọnịrị avaba aza ệ yẹ ka ịrẹyị anị ọnịrị ụkọrọ anị ộ banyị.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 7:37

Imosiisi ọnọọ ộ kà a yị Anisirẹrị ka Ohomorihi vaa tụ́ ọnịsẹ ọnyaa hi wa anka ọ mẹ̀ tụ́ ọnị. Dị ọ ka anda awụ nịnị ọ vaa vị nị.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.