Odeyi 3:19 - IWE ỌNỊNỊ

¹⁹ Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 3:19 ပူးပေါင်းရင်းမြစ်များ

Ahẹ Ụgama 103:12

Anka ịzị ọyị zịị hụrẹ mẹ̀ noze rịrị ịzị ọ zịị naa ngụ ẹtẹ, avọọ Ẹnẹyịmavara mẹ̀ sị ebira odivi ayị noze rịrị ẹyị nị.

Ahẹ Ụgama 51:13

Wàa maanị raà gụ mị ụvọ, ẹmị rẹ va zụụ sị ịrẹyị awụụ zụ̀ aza ana aa jịnẹ ọda awụ, dị ọnịvị nịnị aa vàa ká wụụ vẹ.

Ahẹ Ụgama 51:9

Navọ wa si eyi hụụnị ebira odivi ọnị mị mẹ, dị wa nyịna mị hụụnị avaba ịsa odivi ọnị mị mẹ.

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Ayịsaya 51:11

Aza ọnị ọ dọ ha vaa ngụ Ijerusarẹmị ịnị ayohine, dị ẹ yaa jị ahẹ, di e yee na owu booboro agụvị ka ayị ẹnịnị ee hine. Ẹnịnị vị ana vaa jị ịrajẹ pooro agụvị ka ẹ sị hụụnị ayodu ọnịrị ẹngụ ọyị và hí.

Ayịsaya 6:10

Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 61:9

Avaba anẹhẹ vaa yẹ evere ẹnịnị A vaa sị ụbanyị yị wa ịnị akakana anẹkụra ana vọ. Ọzọza vaa yẹ ka aza ọnị Ẹnẹyịmavara raà mẹ̀ ize yị ẹ vị nị.

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ijeremaya 50:20

Ọ kà ịjị ụmẹ ọnọọ oo tu, ọza é yi me vene re ebira odivi ọnyọọnyị ịnị ẹtẹ Isirẹrị ọnịrị ẹtẹ Ijuda, agụvị ka ọnị vagu ebira odivi avaba aza ọnị ọnị navọ tịtẹ.

Arụwẹ 3:40

Navọ yaa zama oze ayị re, ị mẹmẹ aa ra ẹhẹ ayị, dị ye ro ịnẹ varẹma và ka Ẹnẹyịmavara vẹ.

Arụwẹ 5:21

Ẹnẹyịmavara kwogwo, kụ yị varẹma ka ẹngụ awụ vẹ! Kụ yị varẹma! Navọ wa và ayị ịrẹma nọ udi ụbanyị ayị ịyẹẹyẹ.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Imatiwu 13:15

Agụvị ka ụmatẹsị yà ịnị ayị aza ẹnẹnị. Ẹnịnị ẹ raà sị ịsa kú ụtọ ẹnịnị, di e re kú eyi ẹnịnị oku nị. Agụvị ka ẹ̀ yị vị avọọ, ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ẹ sị yẹ ịnị ayị ẹnịnị, ịjọnọọ dị ẹ sị và ká Ohomorihi vẹ, dị Ohomorihi sị wa mẹ ụkụ.’

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Iruuku 1:16

Ọ vaa kụ́ Anisirẹrị ọrụrụ-ọrụrụ vaavẹ ịdị Ananyị yị ana vị Ohomorihi ẹnịnị.

Iruuku 22:57

Dị Ipita ka ireche yọ nị. Ọ kà, “Ọnẹẹ ọnọnị, mẹ yị hyakụ yẹ ọza ọnị ụ waa kà aanị.”

Odeyi 1:6

Ẹkụhị ọnya, odeyi nịnị ệ kụ́ gụ ị́dị Ijeesu, dị ẹ họ̀ ọ ka, “Ananyị yị, ụmẹ óó si tù booro aanị ọnị ụ vaa mẹ ka Anisirẹrị nịnị ẹ̀ kụkụụ mẹ ịjọva ẹngụ ẹnịnị?”

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 11:21

Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 28:27

Agụvị ka arịmatẹsị yà ịnị ayị ẹnịnị, ụtọ ẹnịnị o si gu, eyi ẹnịnị o re si gu. Agụvị ka ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ayị ẹnịnị sị ịrẹyị yẹ, dị ẹ zị và ká Ohomorihi vẹ, dị ọ sị wa mẹ ụkụ.”

Odeyi 3:20

Ụkata vaa hụụ ịdị Ananyị yịị vẹ, dị ayị awụ nịnị nẹtẹ. Ụmẹ ọnọọ, Ohomorihi vaa tụ́ Ijeesu Ikirisiti, ọnị ọ vịdị sị nyị tịtẹ yị wụ nịnịị vẹ.

Odeyi 3:21

 nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

2 Anịtẹsaronika 1:10

Ịrẹyị ẹnẹẹ vaa mẹ ịhị Ijeesu ọ̀ọ vavẹ va dọ igirima ana aza anị aa sịị yọ. Ịhị ọnọọ aza ana sị ayị tụraa vaa sị ụbanyịị yọ. Ẹwụ nịnị rẹ vaa yà ịnị aza ẹnẹẹ bẹẹ, agụvị ka wâ dọ ịrẹyị ọnị kà wụ nịnị wụ́.

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Anihiburu 4:1

Ohomorihi ka ẹ́ yị zụ nyị ka ẹyị ẹ́ yị rẹ vaa ngụ ịzị ọnị yà, dị ya na tụ́ ụhwọ́. Agụvị avọọ à vẹ ya nyị angwahi, agụvị asị a na nyị ọza ịnya ịnị awụ nịnị ana ahịka ọ rẹ va zụ ngụ ịzọọ.

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

2Ipita 3:8

Ẹwụ nịnị ẹyịnyara amị, ama asị ụ hí ayị ịsa ọnya ọnọnị nịnị ka ini eyi Ohomorihi, ẹkụhị ọnya ọnịrị ịrayị akawụ ẹ́ yị jị ẹngụ nyee. Ọnyọọnya ẹnị ẹyịva vị̀ ini eyi Ohomorihi nị.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”