Odeyi 28:8 - IWE ỌNỊNỊ

⁸ Ada Ipaburu vị ọnị ọvanggoro ọnịrị ijadijadi za, dị ọ hụtẹtẹẹ nị. Dị Ịpọọrụ ngụ ini eehi ne tù ọọ, dị ọ mẹ̀ aduwa, dị ọ sị ụvọ tụra a, dị ọ mẹ̀ ẹ ụkụ nị.

Odeyi 28:8 ပူးပေါင်းရင်းမြစ်များ

Imatiwu 10:1

Ijeesu ộ hị́ ezirẹma anị ẹwụrẹva gụ, dị ọ sị ọda yị wa ka ẹ̀ẹ dụ ụhwẹ echuu jịnẹ, dị ẹ̀ rẹẹ mẹ avaba ụkụ irenyi-irenyii yị aza nị.

Imatiwu 10:8

Waa mẹ ọnịkụ ụkụ ẹnịnị, dị ụ waa ha okuu kwẹẹtẹ nịnị! Waa rẹẹ mẹ ọnịkụ ọbanyị nịnị ụkụ, dị ụ wa rẹẹ dụ ụhwẹ echuu jịnẹ nịnị! We yi sí ụta tụ́ ịnị ịsa ọnị ụ dọ nịnị; agụvị avọọ ẹwụ nịnị ọ̀ rẹẹ sị yị aza ọọhẹ!

Imatiwu 12:13

Ịjọnọọ dị ọ kà a yị ọnọrụ ọnọọ ka, “Tana ụvọ awụ!” Dị ọ tanaa, dị ụvọ anị ta, dị ọ rẹ sị yà anka ọsa nị.

Imatiwu 9:18

Ọ mẹ̀ maanị aa yịị kà ịrẹyị ẹnẹnị kẹnẹ, re, dị ọdọvịdị Aniju nịnị ọnyara vẹ nị, dị ọ va vaku ẹtẹ yọ, dị ọ ka, “Ozi emi ọnẹẹ ô wusu booro aanị; ama navọ wa vẹ dị ụ wa sị ụvọ tụra a, dị ọ̀ yàra.”

Ịmaakị 16:18

Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”

Ịmaakị 5:23

Dị aa dá ịpẹẹ yọ ẹtẹẹtẹrẹ nị ka, “Ozi emi ọnẹẹ aa mẹrị isu. Aarịhịnị, va sị ụvọ tụra a, dị ẹngụ anị ọ̀ nịya ụvị ọ̀ nyẹngụ yàra!”

Ịmaakị 6:5

Ijeesu ọ yị nyẹngụ mẹ̀ ụkọrọ ohyozirenu ịzọọ, ẹ̀ yị vị ọnịkụ chee aanị kẹnẹ, ọnị ọ sị ụvọ tụra, dị ọ mẹ wa ụkụ nị.

Ịmaakị 7:32

 nyị aza ẹnyị aanị ana sị ọza ịnya aanị vẹ ịdị Ijeesu. Ọza ọnọọ vị ene gu ụtọ, dị ọ rẹ vị ọsụkọrọ nị. Dị ẹ dá ịpẹ yị Ijeesu ka ọ̀ sị ụvọ tụra a nị;

Iruuku 13:13

Dị ọ sị ụvọ tụra a nị. Obooboro ọnọọ dị ọnẹẹ ọnọọ vọrọ jẹẹ, dị aa sị ụgaa yị Ohomorihi nị.

Iruuku 4:40

Ịjị oruva si tù, dị ọyị aa naa ngụ ẹtẹ, dị avaba aza ana nyị ọnịkụ irenyi-irenyi kụ́ wa ká Ijeesu vẹ nị. Dị ọ sị ụvọ tụra wa bemi-bemi, dị ọ mẹ wa ụkụ saka-saka nị.

Odeyi 28:7

Ọgụrị ịzọọ â nyị aarẹ ọnya aanị. Ohinọyị ẹtẹ ọnọọ ene enyi kara ọ rị Ipaburu nị. Ohinọyị ọnọọ ọ nyị aarẹ ọnọọ nị. Ô sì yi ọzọga ẹtẹẹtẹrẹ, di i chí ini eehi anị mẹ ẹkụhị ẹẹta nị.

Odeyi 28:9

Ịjị ọ maanị sị ọnọọ mẹ, dị ọnịkụ ana vọ hi ẹkụra ene enyi kara aanị, ẹnị rẹ vẹ, dị Ịpọọrụ mẹ wa ụkụ nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

1 Anịkọrịntị 12:28

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

1 Anịkọrịntị 12:9

Ụhwẹ Ohomorihi ọnọọ ọ rẹ yị mẹ ka aza ẹnyị ẹ̀ sị ayị tụra Ijeesu ẹtẹẹtẹrẹ, dị ọ rẹ mẹ ka aza ẹnyị ẹ̀ zụụ̄ mẹ aza ụkụ.