Odeyi 28:22 - IWE ỌNỊNỊ

²² Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 28:22 ပူးပေါင်းရင်းမြစ်များ

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 26:5

Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị.

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Aniroomi 1:8

Ịpaapa da, ini oze Ijeesu oni Ohomorihi nyị ka ọ̀ dọ yị há, mâ kụ́ Ohomorihi avọ agụvị avaba awụ nịnị; aa kà a ngụ avaba ẹhẹẹ zị, ụ mẹmẹ sị ayị tụra Ijeesu oni Ohomorihi nyị ka ọ̀ dọ yị há nịnị.

1 Anịkọrịntị 11:19

 nyị ka ẹhahi ọ̀ yà ịnị akakana awụ nịnị. Ọ̀ yị vavọọ yà, ọza ẹ yị va zụụ yẹ ẹngụ aza ana vị ọdọwụ obooro ịnị ẹngụ awụ nịnị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 3:16

Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti.