Odeyi 28:20 - IWE ỌNỊNỊ

²⁰ Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Odeyi 28:20 ပူးပေါင်းရင်းမြစ်များ

Ijeremaya 40:1

Ijeremaya ka, Ẹnẹyịmavara ộ kà ịrẹyị yị ọnị Inebuzaradani mẹ raa hụrẹ ọnị ụvọ ẹtẹ Ịraama. Ọ kà vị́ a vịdị tụ ọnị ẹba na ngụ ịzọọ beri aza ana vọ ana kụ hụrị Ijerusarẹmị ọnịrị Ijuda nị. Dị a kụ ẹnị ne hi Ịbabịrọnị anka ọrịhị avọọ nị.

Odeyi 10:29

Agụvị avọọ m maa vẹ, ụ mẹ̀ tụ́ va hị́ mị dị mẹ̀ yị nyị ahankata nị. Kà a mị sị ẹ vẹ dị ụ tụ́ va hị́ mị?”

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Odeyi 21:33

Dị ọga ọbanyị ọnọọ wụsẹ na za Ịpọọrụ, dị ọ ka à sị ẹba ẹẹva sụ́ ọọ nị Di o ve họ̀ use ka, “Ẹnẹ ọza ọnọnị vị? Sị ọ mẹ?”

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 24:15

Ẹma rẹ nyị ọyịtureyi ini Ohomorihi, anka ẹ́nị mẹ̀ rẹ nyị, ka oku nịnị vaa haa kwẹẹtẹ hụụnị isu, ọnọọ vị ka oku ọnịzẹyịza ọnịrị oku aza ẹnẹ ẹ̀ yị vị ọnịzẹyịza.

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

Anihwiripi 1:13

Booro aanị avaba aza ene hi ịdị ohinọyị ọnịrị aza ana vọ ẹ sị yẹ ka agụvị ịrẹyị Ikirisiti mị yà ịnị ẹngwa nị ịzẹnị nị.

Anikorasi 4:18

Ẹmị ụvọta aa chẹrẹ ọsọnị aanị nị: Wáá dahi nịnị? Tamayị ka ịnị ẹngwa mị yà ịzẹnị nị. Ohomorihi ọ̀ mẹ ọyịza wụ nịnị o.

2 Itimoti 1:10

Ijeesu Ikirisiti Ọdọzaha ayị mẹ̀ vavẹ ẹhẹ aanị, Ohomorihi ọ raà mẹ ka aza è ree. Ijeesu ọ va raà kụ́ ụkata isu kwooze; ọ raà mẹ ka aza ẹ̀ kụkụ yára pooro dị asị e kuku sú. Ini oze enube ọyịza ị ya yẹ ọsọnị nị.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Ihwirimọnị 1:10

Maa dá ịpẹ ịrẹyị Onesimọsịị yị wụ. Ma raà sị ọ vị ozi ma m mẹ̀ yà ịnị ẹngwa ịzẹnị.

Ihwirimọnị 1:13

Mị yaanị sì ka ma sị ọ pe ẹngụ, dị ọ̀ dọ wụ ịrẹsụ, dị ọ̀ọ zị mị ụtụ, m mẹ yà ịnị ẹngwa agụvị enube ọyịza ịzẹnị aanị