Odeyi 28:2 - IWE ỌNỊNỊ

² Anẹkụra ịzọọ ệ ngụ ayị ayị ẹtẹẹtẹrẹ. Orihi vị ana aa zụ̀, dị ahị aa za nị. Ẹnịnị ệ kà ịra yị, di e sì yi ọzọga nị.

Odeyi 28:2 ပူးပေါင်းရင်းမြစ်များ

Ẹzịra 10:9

Ịhyẹgwẹta anị, ana vị ẹkụhị oohu ịnị ụhwẹ ịhịịna, dị avaba aza hara hụrị ẹtẹ Ịbẹnjamịnị ọnịrị Ijuda va gụ Ijerusarẹmị, dị ẹ yaayịtẹ hi ini orere ọvịdị irehi Ohomorihi Ịrẹyị ọnọnị ọnịrị orihi ọrata anaa zụ ộ mẹ̀ ka avaba ẹnịnị ẹẹ da ẹgahị.

Ireevi 19:18

À sị ẹ na họ̀ oponu ịrẹyị ka ọza ọnyọọnyị na, à vị ka ẹ̀ sị ịrẹyị ọhịmị ọza ọnọọ tụ ịnị ịnẹ; ama ẹnịnị è sì ịrẹyị ọnọhụva anka é me sì ịrẹyị ẹngụ ẹnịnị. Ọnị ọ vị Ẹnẹyịmavara nị.

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Imatiwu 10:42

Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Ịjọọnụ 18:18

Ahị vị ana aa za ụmẹ ọnọọ. Dị ezi ahụ nịnị beri iporisi irehi Ohomorihi kà ịra, dị ẹ jẹẹ ịzọọ, dị ẹ yaa wà ịra nị. Di Ipita ọnị rẹ ká wa na nị, dị ọ na jẹẹ pe wa, dị aa wà ịra nị.

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Odeyi 28:3

Dị Ịpọọrụ aa tọ̀ọ́ ọkụ hi ịnị ịra ọnọọ nị. Ọ mẹ̀ sị ngụra, dị ẹwụ ọnya jịnẹ hụụnị anị, dị ọ para Ịpọọrụ ụvọ bababa nị.

Odeyi 28:4

Ánịzọọ mè re ka ẹwụ ộ gẹ Ịpọọrụ ụvọ, dị ẹyaa kà a yị ẹngụ, dị ẹ ka, “Wáá yẹ ka ọwọza ọ́nọrụ ọnọnị vị nị? Ọ sị há hụụnị òkū, ama ọkarẹyị ọ yị zẹẹ ka ọ̀ yàra.”

Aniroomi 1:14

Avaba aza mị rị ụta nị. Mâ rị aza ana nyị eyohweyi ụta; mâ rẹ rị anịnavị ụta. Ọyiwe ọnịrị aza ẹnẹ ẹ̀ yị yẹ iwe vị ọnị mị rị ụta vabẹ.

Aniroomi 14:1

Àa nyị ọza ẹnẹ ẹdọwụ anị ọ̀ yị katẹngụ, dọ ọ pe ẹngụ nịnị! Asị u beri ọọ nyị ahankata ini oze ịsa ọnị ọnị òo ro, ọ̀ọ daka jị áawụ nịnị nyee.

Aniroomi 14:3

Ọza ana dọ ka ọnị ọ zụ rị avaba ịsa, asị ọ sị eyi wụ̀ ọza ẹnẹ ẹ̀ yị vavọọ dọ! Ayị rẹ vọrọ ka ọza ẹnẹ ẹ̀ yị mā rị avaba ịsa, ọ̀ọ jị ịvịị yị ọza ana ka ọnịị̄ rị avaba ịsa! Wâ yẹ ka Ohomorihi ộ dọ ọ.

Aniroomi 2:27

Ẹwụ nịnị anaā jị ụvẹvẹnẹ, Anigiriki dị ẹ̀ yị mā rẹ jị ụvẹvẹnẹ vaa jị ịvịị wụ nịnị. A yị chẹrẹ ọda ọnọọ tịtẹ wụ nịnị, dị a rẹ jị wụ nịnị ụvẹvẹnẹ nị; ama wẹ yị mẹ̀ ịsa ọnị ọda ọnọọ kà nịnị. Aza ẹnẹẹ ẹnị ẹ mā jị ụvẹvẹnẹ, ama ẹ yaa mẹ̀ ịsa ọnị ọda Ohomorihi kà.

1 Anịkọrịntị 14:11

Mẹ̀ yị wụ́ ẹkụra ọnị ọza aa kà, ọza ana aa kà a vị ọzọga yị mị, dị ẹmị rẹ vị ọzọga yị ọza ọnọọ nị.

2 Anịkọrịntị 11:27

Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.