Odeyi 28:17 - IWE ỌNỊNỊ

¹⁷ Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 28:17 ပူးပေါင်းရင်းမြစ်များ

Oyinyima 40:15

Ọ kà ịnị ẹtẹ Anihiburu a sị ụkata za ọnị hụrẹ vẹ nị. Ọ kà ọnị mè re tù ịzẹnị, ẹ yị nyị ịsị ọnị mẹ dị a sị ọnị va tụ́ ịnị ẹngwa ọọhẹ kẹnẹ nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 23:33

E mè tù Isesariya, dị ẹ sị iwe ọnọọ yị ịgọvọnọ ọnọọ, dị ẹ rẹ sị Ịpọọrụ chiree ụvọ nị.

Odeyi 25:10

Dị Ịpọọrụ ka, “Ini ikootu ohinọyị Aniroomi mị jẹẹ booro aanị nị, ịzẹnị a vọrọ ka à yà mẹ̀ ọkarẹyị amị nị. Ẹwụ ụvọta ộ yẹ ka ẹ yị nyị ịsa odivi ọnị mị mẹ Aniju nịnị.

Odeyi 25:2

Dị ohirẹsụ ẹbanyị irehi Ohomorihi ne beri ọdọvịdị Aniju nịnị sị ịrẹyị Ịpọọrụ tụ́ ọọ ịrẹka nị. Dị ẹ dá ịpẹ yị Ịhwẹsịtọsị

Odeyi 25:8

Dị Ịpọọrụ rẹ kụ́ irenu anị, dị ọ ka, “Mẹ yị mẹ̀ ịsa odivi hi ọda Aniju nịnị, mẹyị rẹ mẹ̀ ịsa odivi hi irehi Ohomorihi, àa vị ohinọyị Aniroomi.”

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”