Odeyi 28:15 - IWE ỌNỊNỊ

¹⁵ Ọdọwụ ene hi Iroomi ệ wụ́ ka yaa vẹ, dị ẹ vẹ pooro ve tù ohu Apiyọsị ọnịrị ẹkụra “Irehi aha ọyịchi ẹẹta”, dị ẹ va gẹrị ẹyị nị. Ị́pọọrụ mè re wa, ộ kụ́ Ohomorihi avọ, dị ayị anị nẹtẹ nị.

Odeyi 28:15 ပူးပေါင်းရင်းမြစ်များ

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ọyịkụra 4:14

Ịjọnọọ di ebira oni Imosiisi aa mẹ sị kụ Ẹnẹyịmavara ayị nị. Dị ọ ka, “Aanị ka Eerọnị ẹnẹbẹnị anị ana vị Anireevi ọ yị yà ịzọọ? Ọ kà ọnị ộ yẹ ka ọnị ọ zụ kà ịrẹyị ẹtẹẹtẹrẹ. Ọ kà ọ hyakụ aa vẹ oze aanị, aa vaa gẹrị ọ. Ka ịnẹ anị vee hine òo re e.

Ịjọọnụ 12:13

Dị ẹ na jị adambara, dị ẹ kụ́ ọ rị ụvọ aa naa gẹrị ọọ nị. Di eyee nowu ka, “Ihosana! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị, ana vị Ohinọyị Anisirẹrị.”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 10:23

Dị Ipita hị́ wa ngụ eehi, dị ẹ sụ̀ ịzọọ nị. Eyinẹhẹ anị, dị ọ kwẹẹtẹ, dị ọ saasa wa aa na nị. Dị ọdọwụ ẹnyị ene hi Ịjọpa rẹ saasa wa na nị.

Odeyi 10:25

Ípita màa vaa ngụ eehi, dị Ịkọnẹrịyọsị na gẹrị ọọ, dị ọ và ku ẹtẹ kụ́ ọọ nị.

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 11:12

Dị Ụhwẹ Ọnịnị ka ma wụsẹẹ dị waa na, asị mị mẹ ayị ẹẹva nị. Anda ayị ịhịnọnyị ẹnẹnị ệ saasa mị nọ ini eehi ọnọrụ ọnọọ.

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 21:5

Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Odeyi 28:14

Yê re ọdọwụ ẹnyị ịzọọ, dị ẹ ka ya yà pe ẹnị mẹ ẹkụhị ịhịmba nị. Dị ị hụụ ịzọọ aa nọ Iroomi nị.

Aniroomi 15:24

Ụmẹ tụra ụmẹ ọnị màa kụkụ aa nọ Isipeni, mị vaa há ịda awụ nịnị. Mee ro ka ụ vaa gụ mị ụvọ ka ma zụ na nịnị, màa zị oze ịda awụ nịnị, dị mị raà yà ịda awụ nịnị chee nị.

2 Anịkọrịntị 2:14

À vẹ ya kụ́ Ohomorihi avọ! Ẹ́yịrị Ikirisiti mẹ̀ sị vị ọnya, ộ mẹ̀ ka è ree ka Ikirisiti ọ raà nyị ehuna avaba ayị. Ộ sị yị mẹ anka ịsa ana nyị agụ ozoza ọnị ọzọza aa wụ́ avọọ ka aza ẹ̀ zụ yẹ ini oze Ikirisiti avaba aha.

Anigaratiya 4:14

Ẹngụ ana zị mị ọ̀ọ daka kata wụ nịnị ẹngụ, we yi yi mi nịnị, wẹ yị rẹ kụ́ mị hi ịyẹyẹ nịnị. Wâ sị avaba ayị dọ mị nịnị anka anggẹẹrị Ohomorihi avọọ. Wâ dọ mị, a àa na ngụ ka Ijeesu Ikirisiti ụvọtaa yọ nị.

1 Anịtẹsaronika 3:7

Ẹwụ nịnị ẹyịnyara amị, ịnị avaba ụyọrị ọnịrị akanya ayị, ayị ayị ộ nẹtẹ agụvị awụ nịnị, agụvị ka wa sị sị ayị tụra Ikirisiti nịnị.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.