Odeyi 28:14 - IWE ỌNỊNỊ

¹⁴ Yê re ọdọwụ ẹnyị ịzọọ, dị ẹ ka ya yà pe ẹnị mẹ ẹkụhị ịhịmba nị. Dị ị hụụ ịzọọ aa nọ Iroomi nị.

Odeyi 28:14 ပူးပေါင်းရင်းမြစ်များ

Oyinyima 7:4

Ọ kà ẹkụhị ịhịmba ọ̀ọ sị gụ, ọnị aa vaa mẹ ka orihi ọ̀ zụ̀ hi ịnị ẹhẹ ọọdụ ọnịrị ịrahụ pooro dị ọ̀ mẹ ẹkụhị ẹbẹẹva. Dị ọnị wụ̀ avaba ịsa ana nyị ụhwẹ ọnị ọnị mẹ tụ́ ịrẹsụ ẹtẹ.

Ahẹ Ụgama 119:63

Avaba aza ene hí angwa awụ dị ẹ yaa saasa ọda awụ vị ọta amị.

Imatiwu 10:11

“Ẹkụra tụra ẹkụra ọnị ụ wàa ngụ nịnị, ne sì ọza ana vaa dọ wụ nịnị ọzọga, dị ụ wa yà ịzọọ nịnị pooro dị ụ wa va hụụnị ẹkụra ọnọọ nịnị!

Ịjọọnụ 21:23

Dị ọ kụkụ sị ngụ ịrẹyị yị ọdọwụ nịnị ka ozirẹma ọnọọ o yi vee sú nị. Ama Ijeesu ọ yị kà a ka, “O yi vee sú”, ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ?”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 20:6

A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 28:13

Dị ị rẹ hụụ ịzọọ, dị ị va ngụ ẹkụra ana aā hị́ Iregiyumi nị. Eyinẹhẹ anị dị ahị aa tụ́ hụrẹ eyi ụvẹtẹẹ vẹ nị. Ịhyẹgwẹta anị, dị ị va ngụ ẹkụra Iputeyori nị.

Odeyi 28:15

Ọdọwụ ene hi Iroomi ệ wụ́ ka yaa vẹ, dị ẹ vẹ pooro ve tù ohu Apiyọsị ọnịrị ẹkụra “Irehi aha ọyịchi ẹẹta”, dị ẹ va gẹrị ẹyị nị. Ị́pọọrụ mè re wa, ộ kụ́ Ohomorihi avọ, dị ayị anị nẹtẹ nị.

Odeyi 28:21

Dị ẹ kà a yọ ka: “Ẹnị è yi re iwe dọ hụrẹ Ijudiya ini oze ịrẹyị anị, ẹ yị rẹ nyị anda ẹnịnị ana hụụ ịzọọ va kà enube odivi ini oze anị yị ẹnị.

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

Aniroomi 1:13

Ẹwụ nịnị ẹyịnyara amị, mee sì ka wa yẹ nịnị ka ụpọsa-ụpọsa mi sii sì ka me ve hee wu nịnị nị, ama dị ịsa ọsa rẹ sị mị dọ oro. Mee sì ka ụkọrọ amị ọ nyị ọgụ ịdị awụ nịnị, anka ọ mẹ̀ rẹ nyị ọgụ ịdị anẹhẹ ana vọ.