Odeyi 27:42 - IWE ỌNỊNỊ

⁴² Dị isoja nịnị ẹnẹẹ ka ẹnị aa wụ̀ avaba anịnẹngwa ẹnẹẹ, agụvị asị a nyị ana họ̀ enyi na jịnẹ nị.

Odeyi 27:42 ပူးပေါင်းရင်းမြစ်များ

Ahẹ Ụgama 74:20

Ohomorihi, navọ wa tamayị ịrayị ọnị ụ kà tịtẹ yị, wéē re ka aza ana aa mẹ̀ ebira odivi ịnị ẹtẹ ọnọnị vi ene hi avaba aha.

Ụhịrẹyị 12:10

Ọza obooro vị ana a tẹsị ịsụpa anị ama ọza ọhịmị vị ana chamayị yị wa.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Odeyi 12:19

Dị Ịhẹrọdị mẹ ọda ka èe sì ọọ nị, ama ẹnịnị e yi re e. Dị ọ họ̀ oserẹtẹ ẹnẹẹ use ịrẹyị nị. Dị ọ ka à wụ̀ wa nị. Dị Ịhẹrọdị hụrẹ Ijudiya chí nọ Isesariya, dị ọ na yà ịzọọ nị.

Odeyi 27:24

dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Odeyi 27:41

Ama dị ẹpa ne gu chire eteesu ini enyi, dị ọvịdị anị ngụ ẹtẹ, dị ọ̀yị kụkụ zụ zị ụsẹ nị. Dị ịrẹma ẹpa ọnọọ sị ụkata-ụkata chaka và ha nị.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.