Odeyi 27:35 - IWE ỌNỊNỊ

³⁵ Ịjị ọ maanị sị kà, dị Ịpọọrụ sị Ịbụrẹẹdị, dị ọ kụ́ Ohomorihi avọ tụ́ ọọ éyi avaba ẹnịnị, dị ọ dàa dị aa rị ọọ nị.

Odeyi 27:35 ပူးပေါင်းရင်းမြစ်များ

Ahẹ Ụgama 119:46

Mị vaa kà ọda ọnị ụ mẹ yi ohinọyị nịnị dị ụhị ọ yị nyị mị.

Imatiwu 14:19

Dị ọ ka aza ẹnẹẹ ẹ̀ yaayịtẹ ịnị avị ohwoohu nị. Dị ọ sị Ịbụrẹẹdị ẹẹhị beri ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà Ịbụrẹẹdị ẹnẹẹ yị ezirẹma anị, dị ezirẹma anị sị yị aza ẹnẹẹ nị.

Imatiwu 15:36

Dị ọ sị Ịbụrẹẹdị ịhịmba beri ivovo ẹnẹẹ, dị ọ kụ́ Ohomorihi avọ tụ́ ọọ, dị ọ dà wa, dị ọ sị yị ezirẹma anị, dị ẹ gà ẹ yị aza ẹnẹẹ nị.

Ịmaakị 8:6

Dị ọ ka aza ẹnẹẹ ẹ̀ yaayịtẹ ini eteesu nị. Ộ sị Ịbụrẹẹdị ịhịmba ẹnẹẹ, dị ọ kụ́ Ohomorihi avọ, dị ọ dà a, dị ọ sị yị ezirẹma anị ka ẹ̀ gà ẹ yị aza ẹnẹẹ nị. Dị ezirẹma anị gà ẹ yị wa nị.

Iruuku 24:30

Dị Ijeesu yaayịtẹ pe wa ka ẹnị ẹ̀ rị ịsa nị. Dị ọ sị Ịbụrẹẹdị, dị ọ mẹ̀ aduwa tụ́ ọọ, dị ọ dà a, dị ọ sị yị wa nị.

Ịjọọnụ 6:11

Dị Ijeesu sị Ịbụrẹẹdị ẹnẹẹ, dị ọ kụ́ Ohomorihi avọ tụ́ ọọ, dị ọ ka à gà ẹ yị aza ana yaayịtẹ ịzọọ nị. Dị ọ ka à rẹ vavọọ gà ivovo ẹnẹ yị wa nị. Ọzọza ộ nyị, o mè sì.

Ịjọọnụ 6:23

Ama â nyị ẹpa ọsa ana hụrẹ Itiberiyasi vẹ, di e hi ọgụrị ịzị nị.

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Aniroomi 14:6

Ọza ana àa sị ẹkụhị ẹnyị tụ́ irenyi, agụvị Ananyị yị ọ vavọọ aa sịị mẹẹ nị nị. Ọza ana ka ọnịị̄ rị avaba ịsa, Ananyị yị ọ́nị rẹ vavọọ aa mẹẹ yị nị, agụvị ka àaa rị ọọ, ọ vaa kụ́ Ohomorihi avọ. Ọza ana ka ọnị ọ mā rị avaba ịsa, Ananyị yị ọ́nị rẹ vavọọ aa mẹẹ yị nị; ọnị va na raa kụ́ Ohomorihi avọ.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

1Ipita 4:16

Ama ọza àaa rị ụya agụvị ka ọ́ọ vị ọdọwụ, asị ụhị nyị ọ. Ama ọ̀ọ sị ụgaa yị Ohomorihi, agụvị ka a vaa yẹ ka evere Ikirisiti ọ vị nị.

1 Ịsamụwẹrị 9:13

Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.