Odeyi 27:24 - IWE ỌNỊNỊ

²⁴ dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Odeyi 27:24 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Oyinyima 30:27

Di Ịrabanị ka: Ọ̀ jẹẹ ọnị ọ̀ kà ịsa ọnya. Ọ kà ọnị mẹ̀ na zama ẹtẹ ọnị ọ sị yẹ ka Ẹnẹyịmavara ọ raà hụ agụvị Ijekọvụ mẹ ka ò zee yị ọnị.

Oyinyima 39:23

Ọga aza ana a sị si eyi pè ẹngwa ẹ yị kụkụ sị eyi nọ ịnị ịsa ana a raà sị chire Ijosẹẹhụ ụvọ. Ê re ka Ẹnẹyịmavara vị ana jẹẹ ịrẹma Ijosẹẹhụ. Avaba ịsị Ijosẹẹhụ ọ̀ọ mẹ vị ẹnẹ a mẹ ka ò zoza.

Oyinyima 39:5

Hụrẹ ụmẹ ọnị Ipotihwa maanị sị sị irehi anị chire Ijosẹẹhụ ụvọ aanị, dị Ẹnẹyịmavara mẹ ka ò kukuu zee yị Anijipiti ọnọọ agụvị Ijosẹẹhụ nị. Aarẹ ọnịrị irehi anị ne beri avaba ogu anị vi ẹnẹ Ẹnẹyịmavara vana aa mẹ ka èe zoza ẹtẹẹtẹrẹ.

Oyinyima 46:3

Di Ohomorihi ka, “Ọnị ọ̀ vị Ohomorihi ana ada Ijekọvụ hẹkẹ nị. Ọ kà ọ màa nọ Ijipiti aanị, asị o hí angwa, ka ọnị vaa mẹ ka ọ̀ vara anẹkụra ọbanyị tụ́ ịzọọ.

1 Ohinọyị 17:13

Di Erija rẹ kà a yọ dị ọ ka, “Asị u hí angwa, vẹ, dị wa na mẹ ịsị mị kà. Na sị ịnị anị dị wa sị mẹ Ịbụrẹẹdị chee, dị wa sị ọ va mị da, dị wa va na mẹ̀ ẹ ẹwụrị ozi ewu.

2 Ohinọyị 6:16

Di Erisa kà a yọ ka, a si o hí angwa, agụvị ka isoja ana jẹẹ pe ẹnị ẹ rụrụ hu isoja Anisiriya oni o re aanị nị.

Ijoovu 35:8

Aza anka ẹwụ, ịrẹyị ọhịmị awụ aa zama nị. Ọyịza ọnị ụ rẹ mẹ, ẹnị ẹ rị aha anị nị.

Arụwẹ 3:57

Wậ kà pe mị, ịjị mị hị́ wụ, dị ụ kà a yị mị ka asị mị hí angwa nị.

Ịdanịyẹrị 2:24

Dị Ịdanịyẹrị ne tù Arịyoki, ọnị ohinọyị tụ ka ọ̀ na wụ ọyẹrẹyị Anibabironi nịnị, dị ọ kà a yọ ka à sị ọ wụ̀ wa nị. Ọ kà, ọ̀ sị ọnị ne tu ohinọyị dị ọnị kà a yọ iruvo ụra ọnị ọ ra.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ịjọọnụ 11:9

Dị Ijeesu ka, “Agogo ana yà ịnị ụmẹ dị ọyị ọ̀ ta, vị ẹwụrẹva. Agụvị avọọ, ọza ana àa zị ụsẹ ụmẹ ọọdụ, ọ yị vaa tụ́ ahụ, agụvị ka ee re ẹtẹ.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 25:11

Màa jịnẹ ọda, dị mị mẹ̀ ịsaa vọrọ ka à sị wụ̀ mị nị, mẹ yị kà ka asị aa wụ̀ mị. Ama àa vị ireche kẹnẹ ị́rẹyị ẹnịị vị nị, ẹ yị nyị ọza ana nyẹngụ sị mị chire wa ụvọ. Maa sị ịrẹyị amịị nọ ịda ohinọyị Aniroomi.”

Odeyi 27:31

Dị Ịpọọrụ kà a yị ọga isoja nịnị ọnọọ ọnịrị isoja nịnị anị dị ọ ka, “Aza ẹnẹẹ ẹ̀ yị yà ịnị ẹpa ọbanyị, wẹ yị zụ há nịnị.”

Odeyi 27:37

Avaba ayị ene hi ịnị ẹpa vị ịrẹka tụra ẹtarẹwụ ộ tụra ịhịnọnyị (276).

Odeyi 27:42

Dị isoja nịnị ẹnẹẹ ka ẹnị aa wụ̀ avaba anịnẹngwa ẹnẹẹ, agụvị asị a nyị ana họ̀ enyi na jịnẹ nị.

Odeyi 27:44

Dị aza ana ọnọọ nị. Aanị avaba ẹnịnị mẹmẹ há, dị ẹ na ngụ ini eteesu nị.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Ihwirimọnị 1:22

Aarịhịnị, tenyi aku ọnya tịtẹ mị, agụvị ka máa nyị ọyịtureyi ka Ohomorihi vaa dọ aduwa awụ nịnị, dị a sị mị vavẹ va yị wụ nịnị.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.