Odeyi 27:12 - IWE ỌNỊNỊ

¹² Ịzị ẹpa ọnọọ jẹẹ, oyi zoza yọ ịnị ụmẹ ọgụ, dị aza ọrụrụ-ọrụrụ ịnị ẹnị ene hi ịnị ẹpa ka àa na, ịsavọọ eni è zụ tù Iponiki, dị ẹpa ọ̀ yà ịzọọ ịnị ụmẹ ọgụ. Iponiki vị ịzị ẹpaā jẹẹ Íkirete. Ịzọọ vị ana và eyi ká eyi ụvẹtẹ ọ̀vàká eyi ọnị ọyịị̄ zịị ngụ ẹtẹ. Dị ọ rẹ và eyi ká eyẹba ọ̀vàká eyi ọnị ọyịị̄ zịị ngụ ẹtẹ nị eyi ẹbẹẹba.

Odeyi 27:12 ပူးပေါင်းရင်းမြစ်များ

Ahẹ Ụgama 107:30

Ịjị aza enee re ka enyi kụkụ tịtẹ hẹẹ, ẹ yaa jẹ. Di Ohomorihi sị wa na ngụ ịzị a vọrọ ka ẹpa ẹnịnị ọ̀ jẹẹ nị.

Odeyi 2:11

Aza ẹnyị ayị ẹ rẹ hụrẹ Ikirete beri Arebiya vẹ. Dị ị maanị yị hụrẹ ẹkụra irenyi-irenyi vẹ, ya yị wụ́, ẹ màa sị ẹkụra ayịị kà ụkọrọ ohyozirenu oni Ohomorihi mẹ.”

Odeyi 27:13

Ahị ẹnyị chee aanị ô nyima aa tụ́ hụrẹ eyi ụvẹtẹẹ vẹ. Dị aza ẹnẹẹ si oo ro ka ịrẹyị ẹnịnị ộ gẹẹ nị. Dị ẹ sị ẹpa tụ́ ini òkū, dị ẹ zị ụtọ oku ọgụrị Ikirete, dị ẹyaa na nị.

Odeyi 27:21

Ô kù pooro, aza ẹnẹẹ ẹyị rị ịsa. Dị Ịpọọrụ kwẹẹtẹ vẹ ọvịdị ẹnịnị, dị ọ ka, “Ẹwụ nịnị ẹyịnyara amị, wàa yaanị wụ́ ịrẹyị amị nịnị, dị yẹ̀ yị yaanị hụrẹ Ikirete nị, ẹnya ayị ẹnẹnị ẹ yị yaanị mẹ ịhị.

Odeyi 27:7

Yâ tangwa zị ụsẹ mẹ ẹkụhị ọrụrụ óze, dị ị vụrị va ngụ ọgụrị ẹkụra Ikinidu nị. Ahị ọyị kụkụ zẹẹ ka ya zị oze ọnọọ, dị ị va chí zị oze Ikirete, dị ị na para aha ọnya ụtọ oku hu ana aā hị́ Isarimone nị.

Odeyi 27:8

Dị ị vụrị-vụrị para ịzọọ hu, dị ị va ngụ aha ọnya ana aā hị́ “Aha ọyịza ẹnẹ ẹpaā jẹẹ” nị. Ịzọọ ộ gụrị ẹkụra Iraseya.

Ịtayịtọsị 1:12

Anikirete ọnya ana vị ọnịsẹ ộ vịdị kà a ka: Anikirete nịnị vị enee cheeche pooro, vị ẹẹ̄ mẹ anka uye ịnị avị avọọ nị. Onuworo ẹ vị nị, dị ẹ rẹ vị ọnịnọbanyị nị.

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!